ପାଟଣା: ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତ ଆଉ ନାହାନ୍ତି । ତାଙ୍କ ଆତ୍ମହତ୍ୟା ସମସ୍ତଙ୍କୁ ସ୍ତବ୍ଧ କରିଦେଇଛି । ବଲିଉଡ ସମେତ ବିଭିନ୍ନ ରାଜନେତା ଓ ତାଙ୍କ ପ୍ରଶଂସକଙ୍କୁ ମଧ୍ୟ ଏହି ଖବର ବଡ ଝଟ୍କା ଦେଇଛି । ଅନେକ ଫିଲ୍ମଷ୍ଟାର, କ୍ରିକେଟରଙ୍କ ସମେତ ରାଜନେତାମାନେ ମଧ୍ୟ ସୁଶାନ୍ତଙ୍କ ମୃତ୍ୟୁରେ ଦୁଃଖ ପ୍ରକାଶ କରିଛନ୍ତି ।
କେନ୍ଦ୍ର ମନ୍ତ୍ରୀ ରବି ଶଙ୍କର ପ୍ରସାଦ ଗତକାଲି ପାଟଣା ସ୍ଥିତ ସୁଶାନ୍ତଙ୍କ ଘରକୁ ଯାଇ ତାଙ୍କ ପରିବାରକୁ ଭେଟିଛନ୍ତି । ସୁଶାନ୍ତଙ୍କ ପରିବାର ଲୋକଙ୍କୁ ସେ ସାନ୍ତ୍ୱନା ଦେଇଛନ୍ତି । ଏଥିସହ ଟ୍ୱିଟରରେ ଏହି ସମୟର ଏକ ଫଟୋ ସେୟାର କରିଛନ୍ତି କେନ୍ଦ୍ର ମନ୍ତ୍ରୀ ।
Visited Patna home of #SushantSinghRajput. Met his family members. Paid my condolences.
A super talented actor with great promise had to meet such an unfortunate end.Creative acting in films is left poorer with his sad demise.He had to achieve great heights.He deserved more. pic.twitter.com/JoZnFJ0sTN— Ravi Shankar Prasad (@rsprasad) June 19, 2020
ସେ ଲେଖିଛନ୍ତି ଯେ, ସୁଶାନ୍ତ ସିଂହ ରାଜପୁତଙ୍କ ପାଟଣା ସ୍ଥିତ ଘର ପରିଦର୍ଶନ କଲି । ତାଙ୍କ ପରିବାର ସଦସ୍ୟଙ୍କୁ ଭେଟିଲି । ଜଣେ ପ୍ରତିଭାବାନ ଅଭିନେତାଙ୍କ ଏପରି ଦୁର୍ଭାଗ୍ୟଜନକ ଅନ୍ତ ଦେଖିବାକୁ ପଡିଲା । ତାଙ୍କ ମୃତ୍ୟୁ ସହ ଚଳଚ୍ଚିତ୍ରରେ କ୍ରିଏଟିଭ ଅଭିନୟର ମଧ୍ୟ ଅଭାବ ହୋଇଗଲା । ସେ ଆହୁରି ଅଧିକ ସଫଳତର ଯୋଗ୍ୟ ଥିଲେ ବୋଲି କେନ୍ଦ୍ର ମନ୍ତ୍ରୀ ନିଜ ଟ୍ୱିଟ୍ର ହ୍ୟାଣ୍ଡେଲରେ ଲେଖିଛନ୍ତି ।
ଗତ ଜୁନ୍ ୧୪ ତାରିଖରେ ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତ ବେକରେ ରସି ଲଗାଇ ଆତ୍ମହତ୍ୟା କରିଥିଲେ । ଏହାର ପରଦିନ ଅର୍ଥାତ ଜୁନ୍ ୧୫ରେ ତାଙ୍କର ଅନ୍ତିମ ସଂସ୍କାର କରାଯାଇଥିଲା । ତେବେ ତାଙ୍କ ମୃତ୍ୟୁ କାରଣ ସ୍ପଷ୍ଟ ଭାବେ ଜଣାପଡିନଥିବା ବେଳେ ସେ ଡିପ୍ରେସନରେ ଥିଲେ ବୋଲି ବିଭିନ୍ନ ସୂତ୍ରରୁ ଜଣାପଡିଛି ।