ୱାଶିଂଟନ: ଆମେରିକା ଗୋଇନ୍ଦା ବିଭାଗ ରିପୋର୍ଟରେ ମିସାଇଲ ଆକ୍ରମଣ ଆଶଙ୍କା ଦର୍ଶାଯାଇଛି । ଫଳରେ ଆମେରିକା ତାର ଲଙ୍ଗ ରେଂଜ ଡିସ୍କ୍ରିମିନେଶନ ରାଡାର ସିଷ୍ଟମକୁ ଆଲର୍ଟ କରିବା ସହ ଏହାକୁ ରୁଷ ଏବଂ ଚୀନ ଆଡେ ମୁହାଁଇଛି । ଏହି ରାଡାର ବହୁତ ଦୂରତାରୁ ମିସାଇଲ ନେଇ ସତର୍କ କରାଇବା କ୍ଷମତା ରଖିଛି । ଅଲାସ୍କା ବ୍ୟତୀତ ଅନ୍ୟ କେତୋଟି ସ୍ଥାନରେ ଆମେରିକା ରାଡାର ସିଷ୍ଟମ ନିୟୋଜିତ କରିଛି । ଚୀନ, ରୁଷ ଏବଂ ଉତର କୋରିଆ ପ୍ରତି ଆମେରିକାର ଭୟ ରହିଛି । ଉପରୋକ୍ତ ରଡାର ଯୋଗୁ ସ୍ପେଶ କମାଣ୍ଡୋଙ୍କୁ ମଧ୍ୟ ଆଗୁଆ ସୂଚନା ମିଳିବ । ରୁଷର ଶକ୍ତିଶାଳୀ ଏସ-୪୦୦ ମିସାଇଲ ଡିଫେନ୍ସ ସିଷ୍ଟମକୁ ଏହି ରାଡାର ୬୦୦ କିଲୋମିଟର ଦୂରରୁ ସ୍କାନ କରି ରିପୋର୍ଟ ଦେଇପାରିବ । ଆମେରିକା ଦୀର୍ଘ ଦିନ ଧରି ଏଲଆରଡିଆର ଉପରେ ଗବେଷଣା କରିବା ପରେ ଏବେ ଏହାକୁ ନିୟୋଜିତ କରିଛି । ତେବେ ଆମେରିକା ଏଭଳି ସର୍ତକତା ମୂଳକ ପଦକ୍ଷେପ ନେବା କିଛି ଗମ୍ଭୀର ସଙ୍କଟର ଆଭାସ ଦେଉଛି ବୋଲି ରକ୍ଷା ବିଶେଷଜ୍ଞମାନେ ଆଶଙ୍କା ବ୍ୟକ୍ତ କରିଛନ୍ତି ।
Comments are closed.