ବିବାହ ନିମନ୍ତ୍ରଣ ରକ୍ଷା କଲେ ମୋଦୀ, ରିକ୍ସା ଚାଳକଙ୍କୁ ଆସିଲା ପିଏମ୍ଓରୁ ଚିଠି

ବାରଣାସୀ: ରିକ୍ସା ଚାଳକଙ୍କ ପାଖକୁ ଆସିଲା ପିଏମ୍ଓରୁ ଚିଠି । ବାରଣାସୀର ରିକ୍ସା ଚାଳକ ମଙ୍ଗଳ କେୱଟଙ୍କ ପାଖକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପଠାଇଲେ ଶୁଭକାମନା ବାର୍ତ୍ତା । ଝିଅ ବାହାଘର ପାଇଁ ବାରଣାସୀରେ ରିକ୍ସା ଚଳାଉଥିବା ମଙ୍ଗଳ ଦିଲ୍ଲୀ ଯାଇ ପିଏମଓ ଅଫିସରେ ପ୍ରଧାନମନ୍ତ୍ରୀଙ୍କ ଉଦେ୍ଧଶ୍ୟରେ କାର୍ଡ ଦେଇଥିଲେ । ତେବେ ମଙ୍ଗଳର କାର୍ଡ ପାଇ ପ୍ରଧାନମନ୍ତ୍ରୀ ମୋଦୀ ନିଜେ ମଙ୍ଗଳଙ୍କ ନିକଟକୁ ଶୁଭକମନା ବାର୍ତା ପଠାଇଛନ୍ତି । ଚିଠିରେ ଝିଅ ଓ ଜ୍ୱାଇଁଙ୍କ ଉଜ୍ଜଳ ଭବିଷ୍ୟତ କାମନା କରିବା ସହ ତାଙ୍କ ବୈବାହିକ ଜୀବନ ସୁଖମୟ ହେଉ ବୋଲି ସେ କହିଛନ୍ତି ।
ତେବେ ମୋଦୀଙ୍କ ନିକଟରୁ ଏହି ଶୁଭେଚ୍ଛା ପତ୍ର ପାଇ ମଙ୍ଗଳଙ୍କ ପରିବାର ଲୋକେ ବେଶ ଉତ୍ସାହିତ ଅଛନ୍ତି । ତାଙ୍କ ଛାତି କୁଣ୍ଢୋମୋଟ ହୋଇଯାଇଛି । ନୁ୍ୟଜ ଏଜେନ୍ସି ଏଏନ୍ଆଇକୁ ଦେଇଥିବା ଏକ ସାକ୍ଷାତକାରରେ ମଙ୍ଗଳ କହିଛନ୍ତି, ଗତ ଫେବୃଆରୀ ୮ ତାରିଖରେ ପ୍ରଧାନମନ୍ତ୍ରୀଙ୍କ ତରଫରୁ ମୋ ନିକଟକୁ ଝିଅ ବାହାଘର ପାଇଁ ଶୁଭେଚ୍ଛା ବାର୍ତ୍ତା ଆସିଥିଲା । ଏହି ପତ୍ର ହିଁ ପ୍ରମାଣ କରୁଛି ଯେ, ପ୍ରଧାନମନ୍ତ୍ରୀ ମୋଦୀ ସମାଜର ନିମ୍ନ ସ୍ତରରେ ରହୁଥିବା ଲୋକଙ୍କ ମଧ୍ୟ ଧ୍ୟାନ ରଖୁଛନ୍ତି ବୋଲି ମଙ୍ଗଳ କହିଛନ୍ତି ।