ଟିକେଟ ନମିଳିବାରୁ ବରୁଣ ଗାନ୍ଧୀ ଲେଖିଲେ ଭାବପ୍ରବଣ ବାର୍ତ୍ତା

ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନ ଆରମ୍ଭ ହୋଇଛି। ବିଭିନ୍ନ ଦଳ ପୁନର୍ବାର ଅନେକ ସାଂସଦଙ୍କୁ ଟିକେଟ୍ ଦେଇଥିବାବେଳେ ଅନେକଙ୍କ ଟିକେଟ୍ ମଧ୍ୟ ବାତିଲ କରିଛନ୍ତି l ଏହି କ୍ରମରେ ବିଜେପି ପିଲିଭୀତରୁ ବର୍ତ୍ତମାନର ସାଂସଦ ବରୁଣ ଗାନ୍ଧୀଙ୍କ ବଦଳରେ ଜିତିନ ପ୍ରସାଦଙ୍କୁ ଟିକେଟ ଦେଇଛନ୍ତି। ଟିକେଟ କଟିବା ପରେ ବରୁଣ ଗାନ୍ଧୀ ପିଲିଭୀତ ଲୋକଙ୍କୁ ଏକ ଭାବପ୍ରବଣ ବାର୍ତ୍ତା ଲେଖିଛନ୍ତି। ସେ କହିଛନ୍ତି ଯେ, ତୁମର ପ୍ରତିନିଧି ହେବା ମୋ ଜୀବନର ସବୁଠାରୁ ବଡ ସମ୍ମାନ ଅଟେ ଏବଂ ମୁଁ ତୁମର ସ୍ୱାର୍ଥ ପାଇଁ ସର୍ବଦା ମୋ ସ୍ୱର ଉତ୍ତୋଳନ କରିଛି।

प्रणाम पीलीभीत ? pic.twitter.com/D6T3uDUU6o

— Varun Gandhi (@varungandhi80) March 28, 2024

ବରୁଣ ଗାନ୍ଧୀ ତାଙ୍କ ଚିଠିରେ କହିଛନ୍ତି ଯେ, ଅସଂଖ୍ୟ ସ୍ମୃତି ମୋତେ ଭାବପ୍ରବଣ କରିଛି। ମୋର ମନେ ଅଛି ଯେ ୩ ବର୍ଷର ଛୋଟ ବାଳକ ଯିଏ ୧୯୮୩ ରେ ପ୍ରଥମ ଥର ପାଇଁ ତାଙ୍କ ମା’ଙ୍କ ଆଙ୍ଗୁଠି ଧରି ଆସିଥିଲା l ତାଙ୍କୁ ଜଣା ନଥିଲା ଯେ ଦିନେ ଏହି ସ୍ଥାନ ତାଙ୍କ କର୍ମକ୍ଷେତ୍ରରେ ପରିଣତ ହେବ ଏବଂ ଏଠାକାର ଲୋକମାନେ ତାଙ୍କ ପରିବାର ହୋଇଯିବେ | ସେ କହିଛନ୍ତି ଯେ, ଯଦିଓ ସାଂସଦ ଭାବରେ ମୋର କାର୍ଯ୍ୟକାଳ ଶେଷ ହେବାକୁ ଯାଉଛି, ତଥାପି ମୋର ଶେଷ ନିଶ୍ୱାସ ପର୍ଯ୍ୟନ୍ତ ପିଲିଭୀତ ସହିତ ମୋର ସମ୍ପର୍କ ଶେଷ ହେବ ନାହିଁ।

ବରୁଣ ଗାନ୍ଧୀଙ୍କ ଏଭଳି ଭାବପ୍ରବଣତା ବାର୍ତ୍ତା ବେଶ ଚର୍ଚ୍ଚାର ବିଷୟ ପାଲଟିଛି l