ବ୍ରହ୍ମପୁର: ଗଞ୍ଜାମ ଜିଲା ଭଞ୍ଜନଗର ଜଳସେଚନ ବିଭାଗ ଅନ୍ତର୍ଗତ ବାଘୁଆ ପ୍ରକଳ୍ପର ସହକାରୀ ନିର୍ବାହୀ ଯନ୍ତ୍ରୀ ବିଷ୍ଣୁଚରଣ ସାହୁଙ୍କ ଘରେ ଶୁକ୍ରବାର ଭିଜିଲାନ୍ସ ପକ୍ଷରୁ ଚଢଉ କରାଯାଇଛି। ଜିଲାର ୯ଟି ସ୍ଥାନରେ ଚଢଉ ପରେ ତାଙ୍କ ପାଖରୁ ୪ କୋଟିରୁ ଅଧିକ ଟଙ୍କାର ସମ୍ପତ୍ତି ମିଳିଛି। ପ୍ରାୟ ୨୦ ବର୍ଷ ହେଲା ଗୋଟିଏ ସ୍ଥାନରେ ଚାକିରି କରୁଥିବା ସାହୁଙ୍କ ବିରୋଧରେ ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗ ଥିଲା। ବ୍ରହ୍ମପୁର ସ୍ଥିତ ସ୍ବତନ୍ତ୍ର ଭିଜିଲାନ୍ସ ଅଦାଲତ ସର୍ଚ୍ଚ ୱାରେଣ୍ଟ ଜାରି କରିଥିଲେ। ୱାରେଣ୍ଟ ବଳରେ ଭିଜିଲାନ୍ସର ପକ୍ଷରୁ ଚଢ଼ଉ ହୋଇଥିଲା । ବୁଗୁଡା ସ୍ଥିତ କାର୍ଯ୍ୟାଳୟ ସମେତ ବ୍ରହ୍ମପୁର ବିଜୟ ବିହାର ଦ୍ବିତୀୟ ଲେନ୍ରେ ଥିବା ୩ ମହଲା କୋଠା, ନିଳାଦ୍ରୀବିହାର ପ୍ରଥମ ଲେନରେ ଥିବା ଦୁଇ ମହଲା କୋଠା, ଗୋବିନ୍ଦ ବିହାର ନବମ ଲେନ ସ୍ଥିତ ସହଯୋଗୀଙ୍କ ବାସଭବନ, ଶକ୍ତିନଗର ସ୍ଥିତ ତାଙ୍କ ସମ୍ପର୍କୀୟଙ୍କ ବାସଭବନ, ବୁଗୁଡା ନୂଆସାହି ସ୍ଥିତ ନିଜ ବାସଭବନ, ବାଲିପିଣ୍ଡି ସାହି ସ୍ଥିତ ଘରର ଚାକରଙ୍କ ବାସଭବନ ଭଳି ୯ଟି ସ୍ଥାନରେ ଚଢଉ ହୋଇଛି। ତାଙ୍କ ନିକଟରୁ ନଗଦ ୧ ଲକ୍ଷ ୩୮ ହଜାର ଟଙ୍କା ସହିତ ତାଙ୍କ ପରିବାର ସଦସ୍ୟଙ୍କ ନାମରେ ଥିବା ୮୫ ଲକ୍ଷ ଟଙ୍କାର ବ୍ୟାଙ୍କ ଓ ଜୀବନବୀମା ଜମା, ୮ ଲକ୍ଷ ୩୫ ହଜାର ଟଙ୍କାର ସୁନା ଓ ରୂପା ଅଳଙ୍କାର, ୧୧ ଲକ୍ଷ ୪୮ ହଜାର ଟଙ୍କାର ଆସବାବପତ୍ର, ୧୦ ଲକ୍ଷ ଟଙ୍କାର ଏକ କାର, ୩ଟି ମୋଟରସାଇକଲ ମିଳିଛି। ସେହିଭଳି ବିଜୟବିହାର ସ୍ଥିତ ବାସଭବନର ମୂଲ୍ୟ ୧ କୋଟି ୩୮ ଲକ୍ଷ ଟଙ୍କା ହେବ ବୋଲି ଆକଳନ କରାଯାଇଛି। ନିଳାଦ୍ରୀବିହାର ଓ ବ୍ରହ୍ମପୁରରେ ଥିବା ୨ ଟି ପ୍ଳଟ୍ର ମୂଲ୍ୟାୟନ ଚାଲିଥିବା ସୂଚନା ମିଳିଛି। ଏହି ଚଢଉରେ ଭିଜିଲାନ୍ସର ଜଣେ ଅତିରିକ୍ତ ଏସପିଙ୍କ ସମେତ ୪ ଜଣ ଡିଏସପି, ୯ ଇନ୍ସପେକ୍ଟର ସାମିଲ ହୋଇଥିଲେ।
BREAKING NEWS
- ବାହୁଡିବେ ପ୍ରଭୁ ଲିଙ୍ଗରାଜ, ସାଢେ ୩ଟାରେ ହେବ ରଥଟଣା
- ଗତ ନିର୍ବାଚନ ତୁଳନାରେ ଏଥର କମିଲା ଭୋଟିଂ, ପ୍ରଥମ ପର୍ଯ୍ୟାୟରେ ୬୨.୩୭ ପ୍ରତିଶତ ମତଦାନ
- ଶ୍ରୀଜଗନ୍ନାଥ ତତ୍ତ୍ୱ ଓ ତଥ୍ୟ : ପର୍ବପର୍ବାଣି ଓ ଯାନିଯାତ୍ରା
- ରାଣୀ ଝାନ୍ସି ଫ୍ଲାଇଓଭର ଦୁର୍ନୀତି ମାମଲା, ନିଲମ୍ବିତ ହେଲେ ଦିଲ୍ଲୀ ବିଧାନସଭା ସଚିବ
- ଟିକେଟ୍ ନମିଳିବା ପରେ ରୁଦ୍ଧଦ୍ବାର ବୈଠକରେ ଅସନ୍ତୋଷ ଝାଡିଲେ କି ଚିରଞ୍ଜୀବ ବିଶ୍ବାଳ?
- କେଉଁ କାରଣ ପାଇଁ ବିଜେପି ଓଡ଼ିଶାରେ ଏକାକୀ ନିର୍ବାଚନ ଲଢିଲା?
- ଭୁବନେଶ୍ୱର ଲୋକସଭା: ବିଜେଡି ପାଇଁ ଅଡୁଆ କଂଗ୍ରେସର ଲୋକସଭା ପ୍ରାର୍ଥୀ?
- ମହାପ୍ରଭୁ ଶ୍ରୀବଳଦେବ ଜୀଉଙ୍କ ଆଶୀର୍ବାଦ ପରେ ପ୍ରଚାର ଆରମ୍ଭ କରିବେ କେନ୍ଦ୍ରାପଡା ଲୋକସଭା ପ୍ରାର୍ଥୀ ସିଦ୍ଧାର୍ଥ ସ୍ୱରୂପ
- କର୍ତ୍ତବ୍ୟରେ ଅବହେଳା ପାଇଁ ଅବକାରୀ ଅଧୀକ୍ଷକ ନିଲମ୍ବିତ
- ହୋମ ୱର୍କ କରିବା ପାଇଁ ଦୁବାଇରେ ଟ୍ୟୁସନ ସାରଙ୍କୁ ଛାତ୍ର ଦେଲା ୩୦୦୦ ଡଲାର