ଭୁବନେଶ୍ୱର: ଚାରିଆଡେ ଚର୍ଚ୍ଚା । କରୋନା ମହାମାରୀ ସମୟରେ ଗରିବଙ୍କୁ ଅଟା ପ୍ୟାକେଟ୍ରେ ୧୫ହଜାର ଲେଖାଏଁ ଟଙ୍କା ବାଣ୍ଟିଲେ ବଲିଉଡର ମିଷ୍ଟର ପରଫେକ୍ସନିଷ୍ଟ ଆମିର ଖାନ ।
ତେବେ ଏ କଥା ଆମେ କହୁନୁ ବରଂ ସୋସିଆଲ୍ ମିଡିଆରେ ଭାଇରାଲ୍ ହୋଇଥିବା ଏହି ପୋଷ୍ଟଗୁଡିକ ଦାବି କରିଛି । ଦାବି ଅନୁଯାୟୀ ଅଭିନେତା ଆମିର କୁଆଡେ ଟ୍ରକ୍ ଭର୍ତ୍ତି ଅଟା ପ୍ୟାକେଟ ବସ୍ତିବାସିନ୍ଦାଙ୍କ ନିକଟକୁ ପଠାଇଥିଲେ । ହେଲେ ସର୍ତ ଥିଲା ପ୍ରତ୍ୟେକଙ୍କୁ ମିଳିବ ମାତ୍ର ଗୋଟିଏ ପ୍ୟାକେଟ୍ ଅଟା ।
ଏହି ଖବରକୁ ନେଇ ଏକ ଭିଡିଓ ବି ସୋସିଆଲ୍ ମିଡିଆରେ ଭାଇରାଲ୍ ହୋଇଥିଲା । ଯେଉଁଥିରେ ଜଣେ ବ୍ୟକ୍ତି କହିଥିଲେ ଲୋକେ ଅଟା ପ୍ୟାକେଟ ଧରି ଘରକୁ ଫେରିିବା ପରେ ସେଥିରେ ୧୫ହଜାର ଟଙ୍କା ଥିବା ଜାଣିପାରିଥିଲେ । ଭିଡିଓର ଗୋଟିଏ ପାଶ୍ୱର୍ରେ ସେହି ବ୍ୟକ୍ତି ଅଟା ବାଣ୍ଟିବା କଥା କହୁଥିଲାବେଳେ ଅନ୍ୟ ପାଶ୍ୱର୍ରେ ଆମିର ଖାନଙ୍କ ଫଟୋ ବି ରହିଥିଲା ।
@quaziaziz####♬ original sound – @azeez300
ଚାହୁଁଚାହୁଁ ଭିଡିଓଟି ଭାଇରାଲ୍ ହୋଇଥିଲା । ତେବେ ଆରମ୍ଭରୁ ଏହି ଭିଡିଓ ଉପରେ ଥିଲା ଟିମ୍ ଭାଇରାଲ୍ ପୋଷ୍ଟମୋରର୍ଟମ୍ର ନଜର । ସନ୍ଦେହ ହେବାରୁ ଆରମ୍ଭ ହୋଇଥିଲା ଛାନ୍ଭିନ୍ ।
ଘଟଣାର ସତ୍ୟତା ପରଖିବା ପାଇଁ ଆମକୁ ଅଧିକ ସମୟ ଲାଗିନଥିଲା । ଡୋନେସନ୍ ମାମଲାରେ ଅଧିକାଂଶ ସେଲିବ୍ରିଟି ଟୁଇଟ୍ ଜରିଆରେ ପ୍ରକାଶ କରିଥାନ୍ତି । ଏହି କାରଣରୁ ଆମେ ଆମିର ଖାନଙ୍କ ଟୁଇଟର୍ ଆକାଉଣ୍ଟରେ ଅଟା ବାଣ୍ଟିବା ସମ୍ବନ୍ଧୀୟ ଟୁଇଟ୍ର ସନ୍ଧାନରେ ଲାଗିପଡିଥିଲୁ । ହେଲେ ଆମିର ଏପରି ଖବରକୁ ଟୁଇଟ୍ରେ ସ୍ପଷ୍ଟ ଭାବେ ଖଣ୍ଡନ କରିଥିଲେ ।
Guys, I am not the person putting money in wheat bags. Its either a fake story completely, or Robin Hood doesn’t want to reveal himself!
Stay safe.
Love.
a.— Aamir Khan (@aamir_khan) May 4, 2020
ଆମିରଙ୍କ ତରଫରୁ ଖବରର ସତ୍ୟତା ନେଇ ସ୍ପଷ୍ଟ ହେବା ପରେ ଆମେ ଭିଡିଓର ରହସ୍ୟ ଉନ୍ମୋଚନ କରିବାକୁ ଚେଷ୍ଟା କରିଥିଲୁ । ଭାଇରାଲ୍ ହୋଇଥିବା ଭିଡିଓକୁ ଜଣେ ଟିକ୍ଟୋକ୍ ୟୁଜର୍ @quaziaziz ଅପଲୋଡ କରିଥିଲେ । ଏହି ଭିଡିଓକୁ ଏଡିଟ୍ କରାଯାଇଥିଲାବେଳେ ମୂଳ ସ୍ରୋତକୁ ଆମେ ଖୋଜିବା ଆରମ୍ଭ କରିଥିଲୁ ।
ଶେଷରେ ସାମ୍ନାକୁ ଆସିଥିଲା @khansaheb028 ନାମକ ଜଣେ ଟିକ୍ଟୋକ ୟୁଜରର ଭିଡିଓ । ଏହି ଭିଡିଓରେ ସଂପୃକ୍ତ ବ୍ୟକ୍ତି ଜଣକ ଅଟା ପ୍ୟାକେଟରେ ୧୫ ହଜାର ଟଙ୍କା ସମ୍ଭନ୍ଧରେ କହିଥିଲେ ବି ଆମିର ଖାନଙ୍କ ନାଁ ଆଦୌ ଉଚ୍ଚାରଣ କରିନଥିଲେ ।
@khansaheb028##duet with @khansaheb028 ##bellaciao ##cookathome ##ChampiBeats ##duet ##fyp ##fy @sk_salim__ @black_diamond_457 @tiktok_india
ଏହି ଭିଡିଓରେ ଆମିର ଖାନଙ୍କର କୌଣସି ଫଟୋ କିମ୍ବା ସଂପର୍କ ନଥିଲା । ବରଂ କିଛି ଲୋକେ ଏହି ଭିଡିଓକୁ ଅତିରଂଜିତ କରି ଭାଇରାଲ୍ କରିଥିଲେ ।
