ମୁମ୍ବାଇ: ହ୍ରିତିକ ରୋଶନ ଓ ଜୁନିୟର ଏନଟିଆର ଅଭିନୀତ ୱାର ୨ର ରିଲିଜ ତାରିଖ ମେକର୍ସଙ୍କ ପକ୍ଷରୁ ଘୋଷଣା କରାଯାଇଛି । ବଲିଉଡ ହଙ୍ଗାମାରେ ପ୍ରକାଶିତ ଖବର ଅନୁସାରେ ୨୦୨୫ ଗଣତନ୍ତ୍ର ଦିବସରେ ଫିଲ୍ମ ରିଲିଜ ହେବ ବୋଲି ସ୍ଥିର ହୋଇଛି । ଏହି ସମୟରେ ୱିକେଣ୍ଡ ପଡୁଥିବାରୁ ଏହା ଫିଲ୍ମକୁ ଫାଇଦାରେ ରଖିବ ବୋଲି ଅନୁମାନ କରାଯାଉଛି । ନିର୍ଦ୍ଦେଶକ ସିଦ୍ଧାର୍ଥ ଆନନ୍ଦଙ୍କ ବ୍ଲକବଷ୍ଟର ଫିଲ୍ମ ୱାରର ସଫଳତା ପରେ ଏହାର ସିକ୍ୱେଲର ନିର୍ମାଣ କରାଯାଉଛି । ସିଦ୍ଧାର୍ଥଙ୍କ ବଦଳରେ ଏହାର ନିର୍ଦ୍ଦେଶନା ଆୟନ ମୁର୍ଖାଜୀ ଦେବେ । ଆଦିତ୍ୟ ଚୋପ୍ରା ଫିଲ୍ମର ସଫଳତା ନେଇ ବେଶ ଆଶାୟୀ ଅଛନ୍ତି ।
ପୂର୍ବରୁ ପଠାନ ଓ ଅଗ୍ନିପଥ ଫିଲ୍ମ ଏହି ଦିନ ରିଲିଜ ହୋଇ ବେଶ ସଫଳତା ହାସଲ କରିଛି । ନଭେମ୍ବରରେ ଫିଲ୍ମ ଫ୍ଲୋରକୁ ଯିବ । ଏହାର ଶୁଟିଂ ଶେଷ ହେବା ପରେ ସବୁ କିଛି ଚୂଡାନ୍ତ ହେବ ବୋଲି ମେକର୍ସଙ୍କ ପକ୍ଷରୁ କୁହାଯାଇଛି । ହ୍ରିତିକଙ୍କ ବିକ୍ରମ ବେଧା ଫିଲ୍ମ ଫ୍ଲପ ହେବା ପରେ ସେ ଏହି ଫିଲ୍ମ ଉପରେ ବିଶେଷ ଭାବେ ମନ ଦେଇଛନ୍ତି । ୱାରରେ ହ୍ରିତିକଙ୍କ ସହ ଟାଇଗର ଶ୍ରଫ ଅଭିନୟ କରିଥିଲେ ।
Comments are closed.