ନୂଆଦିଲ୍ଲୀ: ଟାରିଫ ବୋମା ନେଇ ଏବେ ଭୟରେ ଟ୍ରମ୍ପ
ଅନ୍ୟ ଦେଶକୁ ଡରାଉଥିବା ଟ୍ରମ୍ପ୍, ଏବେ ନିଜେ ଚିନ୍ତାରେ
ଶେଷ ହୋଇଯିବ ଟ୍ରମ୍ପଙ୍କ ଟାରିଫ୍ ଖେଳ?
ନଷ୍ଟ ହୋଇଯିବ ଆମେରିକା…
କି ନିଷ୍ପତ୍ତି ଶୁଣାଇବେ ସୁପ୍ରିମକୋର୍ଟ?
ଭେନେଜୁଏଲାରେ ତାଣ୍ଡବ ରଚାଇଥିବା ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବେ ଶୁଳ୍କ ଉପରେ ଆଗାମୀ ସୁପ୍ରିମକୋର୍ଟ ଶୁଣାଣି ଯୋଗୁଁ ନିଜେ ଭୟଭୀତ। ଟ୍ରମ୍ପ ଭୟ କରୁଛନ୍ତି ଯେ କୋର୍ଟର ନିଷ୍ପତ୍ତି ଶୁଳ୍କ ବିରୁଦ୍ଧରେ ଯାଇପାରେ। ତାଙ୍କ ଭୟରେ, ରାଷ୍ଟ୍ରପତି ଟ୍ରମ୍ପ ଏବେ ବିଳିବିଳେଉଛନ୍ତି। ସେ କହିଛନ୍ତି ଯେ ଯଦି ସୁପ୍ରିମକୋର୍ଟ ଆମେରିକାର ଶୁଳ୍କ ନୀତି ବିରୁଦ୍ଧରେ ରାୟ ଦିଅନ୍ତି, ତେବେ ଆମେରିକା ବହୁତ କ୍ଷତି ସହିପାରେ। ଟ୍ରମ୍ପ କହିଛନ୍ତି ଯେ ଯଦି ସୁପ୍ରିମକୋର୍ଟଙ୍କ ନିଷ୍ପତ୍ତି ତାଙ୍କ ସପକ୍ଷରେ ନ ଆସେ, ତେବେ ଦେଶ ସମ୍ପୂର୍ଣ୍ଣ ନଷ୍ଟ ହୋଇଯାଇପାରେ।
ଧ୍ଵଂସ ହୋଇଯିବ ଅର୍ଥନୀତି
ବିଶ୍ୱକୁ ଶୁଳ୍କ ଧମକ ଦେଉଥିବା ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ, ଏବେ ନିଜେ ଶୁଳ୍କ ଜାଲରେ ପଡ଼ିଛନ୍ତି। ଟ୍ରମ୍ପଙ୍କ ମନମାନି ଶୁଳ୍କ ଚାପରେ ଅନେକ ଦେଶ ଚିନ୍ତାରେ ଥିବା ବେଳେ ଏଥିରେ ହସ୍ତକ୍ଷେପ କରିଥିଲେ ଆମେରିକା ସର୍ବୋଚ୍ଚ କୋର୍ଟ। ଟ୍ରମ୍ପ ଭୟ କରୁଛନ୍ତି ସୁପ୍ରିମକୋର୍ଟଙ୍କ ନିଷ୍ପତ୍ତି ଆମେରିକାର ଅର୍ଥନୀତି ଉପରେ ଏକ ଭୟଙ୍କର ପ୍ରଭାବ ପକାଇପାରେ। ତେବେ ଶୁଳ୍କ ଉପରେ ସୁପ୍ରିମକୋର୍ଟର ଶୁଣାଣି କେବଳ ଟ୍ରମ୍ପ ନୁହେଁ ବରଂ ଅନେକ ଦେଶର ନଜର ରହିଛି। ଯଦି ନିଷ୍ପତ୍ତି ଟ୍ରମ୍ପଙ୍କ ସପକ୍ଷରେ ଆସେ, ତେବେ ବିଶ୍ୱର ଅନେକ ଦେଶରେ ଆର୍ଥିକ ବାଧା ସୃଷ୍ଟି ହୋଇପାରେ। ଯଦି ଟ୍ରମ୍ପ ମାମଲା ହାରିଯାଆନ୍ତି, ତେବେ ତାଙ୍କ ସରକାର ଏକ ବଡ଼ ଝଟକା ପାଇବ ଏବଂ ସେ ତାଙ୍କ ନୀତିରେ ଗୁରୁତ୍ୱପୂର୍ଣ୍ଣ ପରିବର୍ତ୍ତନ କରିବାକୁ ବାଧ୍ୟ ହେବେ। ଯାହାକୁ ନେଇ ଟ୍ରମ୍ପ୍ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରିଥିଲେ, ଯେଉଁଥିରେ ସେ ଲେଖିଛନ୍ତି ଯେ ଯଦି ସୁପ୍ରିମକୋର୍ଟ ତାଙ୍କ ବିରୁଦ୍ଧରେ ରାୟ ଦିଅନ୍ତି, ତେବେ ଆମେରିକାକୁ ଶହ ଶହ ବିଲିୟନ ଡଲାର ଶୁଳ୍କ ଫେରସ୍ତ କରିବାକୁ ପଡ଼ିବ। ସେ କହିଛନ୍ତି ଯେ ଏହା ଅର୍ଥନୀତିକୁ ନଷ୍ଟ କରିବ। ଟ୍ରମ୍ପ କହିଛନ୍ତି ଯେ ସମସ୍ତ ନିବେଶକୁ ଯୋଡିବା ପରେ, ଏକ ଟ୍ରିଲିୟନ ଡଲାର ପର୍ଯ୍ୟନ୍ତ ଫେରସ୍ତ କରିବାକୁ ପଡ଼ିପାରେ।
Comments are closed.