ସୋସିଆଲ ମିଡିଆରେ ଅଧିକ ସମୟ ବିତାଇଥାନ୍ତି ଏହି ଦେଶର ଲୋକେ, ଜାଣନ୍ତୁ ଭାରତର ସ୍ଥାନ କେଉଁଠି…

ନୂଆଦିଲ୍ଲୀ: ଆଜିକାଲି ସୋସିଆଲ ମିଡିଆ କିଏ ବା ବ୍ୟବହାର କରୁନି । ବର୍ତ୍ତମାନର ଯୁବପୀଢି ସୋସିଆଲ ମିଡିଆରେ ନିଜକୁ ଏପରି ଭାବରେ ବ୍ୟସ୍ତ ରଖୁଛନ୍ତି ଯେ ଯେପରିକି ସୋସିଆଲ ମିଡିଆ ବିନା ସେମାନଙ୍କର ବଞ୍ଚିବା ଅସମ୍ଭବ । ମଫସଲ ଗାଁ ଠୁ ଆରମ୍ଭ କରି ବଡ ବଡ ସହର ପର୍ଯ୍ୟନ୍ତ ସମସ୍ତେ ସୋସିଆଲ ମିଡିଆ ବ୍ୟବହାର କରୁଛନ୍ତି । କେବଳ ଯେ ଯୁବପୀଢି ତାହା ନୁହେଁ, ଛୋଟ ପିଲାଙ୍କ ଠାରୁ ଆରମ୍ଭ କରି ବୟସ୍କଙ୍କ ପର୍ଯ୍ୟନ୍ତ ସମସ୍ତେ ସୋସିଆଲ ମିଡିଆର ପଥଗାମୀ । କିନ୍ତୁ କ’ଣ ଆପଣ ଜାଣନ୍ତି କି, ଦୁନିଆର କେଉଁ ଦେଶର ଲୋକମାନେ ସୋସିଆଲ ମିଡିଆରେ ଅଧିକ ସମୟ ଅତିବାହିତ କରନ୍ତି |

ସୂଚନା ଅନୁସାରେ, ଏକ ସର୍ଭେ ରିପୋର୍ଟ ଅନୁଯାୟୀ, ସାରା ବିଶ୍ଵରେ ସୋସିଆଲ ମିଡିଆରେ ଅଧିକ ସକ୍ରିୟ ଥିବା ଲୋକଙ୍କ ତାଲିକାରେ ଅଧିକ ଫିଲିପାଇନ୍ସର ଲୋକଙ୍କ ନାମ ଦେଖାଯାଏ । ସେମାନେ ଆନୁମାନିକ ୪ ଘଣ୍ଟା ୬ ମିନିଟ୍ ସୋସିଆଲ ମିଡିଆରେ ସକ୍ରିୟ ଥାଆନ୍ତି | ଏପରି ସ୍ଥଳେ ଆପଣଙ୍କ ମନରେ ଗୋଟଏ ପ୍ରଶ୍ନ ଆସୁଥିବ ଯେ, ଭାରତରେ ସୋସିଆଲ ମିଡିଆରେ ଲୋକମାନେ କେତେ ସମୟ ବିତାଉଛନ୍ତି? ଆପଣଙ୍କୁ କହି ରଖୁଛୁ ଯେ, ଆମ ଦେଶରେ ଲୋକମାନେ ସୋସିଆଲ ମିଡିଆରେ ହାରାହାରି ୨ ଘଣ୍ଟା ୩୬ ମିନିଟ୍ ସମୟ ବିତାଇଥାନ୍ତି | ଏହା ସହିତ ସୋସିଆଲ ମିଡିଆରେ ସକ୍ରିୟ ଥିବା ଦେଶମାନଙ୍କ ମଧ୍ୟରେ ଫିଲିଫାଇନ୍ସ ପ୍ରଥମ ଥିବା ବେଳେ ଭାରତର ସ୍ଥାନ ୧୪ ନମ୍ବରରେ ରହିଛି |