ଦିଲ୍ଲୀ : ବିଶ୍ୱରେ ବର୍ତ୍ତମାନ ମଙ୍କିପକ୍ସର ଆତଙ୍କ ଦେଖିବାକୁ ମିଳିଛି । ସାରା ବିଶ୍ୱରେ ଏହି ଭାଇରସର ୯୨ ଆକ୍ରାନ୍ତ ଚିହ୍ନଟ ହୋଇସାରିଛନ୍ତି । ୟୁରୋପୀୟ ଦେଶ, ଉତ୍ତର ଆମେରିକା, ଅଷ୍ଟ୍ରେଲିଆର ୧୨ ଦେଶରେ ଏହି ଭୂତାଣୁ ଚିହ୍ନଟ ହୋଇସାରିଛି । ମଙ୍କିପକ୍ସକୁ ନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ ଚେତାବନୀ ଦେଇଛି । WHO କହିଛି, ଯେଉଁ ଦେଶରେ ଏହି ମଙ୍କିପକ୍ସ ଭାଇରସ ବ୍ୟାପିନାହିଁ ସେଠାରେ ଏହାର ଅଧିକ ମାମଲା ସାମ୍ନାକୁ ଆସିପାରେ । ସେମାନଙ୍କୁ ଏହା ବ୍ୟାପୁଛି ଯେଉଁମାନେ କୌଣସି କାରଣରୁ କାହା ସହ ସଂସ୍ପର୍ଷରେ ଆସିଛନ୍ତି ।
ହୁ’ର ଅଧିକାରୀ ଡେଭିଡ ହେମ୍ୟାନ କହିଛନ୍ତି, ଆଶା କରାଯାଉଛି ମଙ୍କିପକ୍ସ ଭାଇରସ ଲୋକଙ୍କ ମଧ୍ୟରେ ଶାରିରୀକ ସମ୍ବନ୍ଧ ରଖିବା ପରେ ବ୍ୟାପୁଛି । ଏହି କାରଣରୁ ସାରା ବିଶ୍ୱରେ ସଂକ୍ରମଣ ବଢିଚାଲିଛି । ହୁର କହିବାକଥା ଦକ୍ଷିଣ ଆଫ୍ରିକାରେ ପ୍ରତିବର୍ଷ ମଙ୍କିପକ୍ସରେ ଅନେକ ସଂକ୍ରମିତ ଚିହ୍ନଟ ହୋଇଥାନ୍ତି । ବିଶ୍ୱର ୧୨ଟି ଦେଶରେ ଏହା ବ୍ୟାପିବା ପରେ ଭାରତରେ ଏହା ବ୍ୟାପିବା ନେଇ ଆଶଙ୍କା ଦେଖାଦେଇଛି । ପ୍ରଶ୍ନ ଉଠୁଛି କଣ ଏହା ଦ୍ୱିତୀୟ ମହାମାରୀର କାରଣ ହେବ?