ସୌମ୍ୟାଶ୍ରୀଙ୍କ ପୋଡିହେବା ଭିଡିଓ କିଏ କରିଥିଲା ?

ସୌମ୍ୟାଶ୍ରୀ ସମସ୍ତଙ୍କୁ ଛାଡି ଆରପାରିକୁ ଯିବାପରେ ଏବେ କାନ୍ଦୁଛନ୍ତି ସମସ୍ତେ । ତାଙ୍କର ଶେଷକୃତ୍ୟ ସମାପନ ହୋଇଛି । ଏତେସବୁ ଘଟଣା ପରେ ଏବେ ସୌମ୍ୟାଶ୍ରୀଙ୍କ ମୃତ୍ୟୁ ପାଇଁ ସମସ୍ତଙ୍କ ମନରେ ବିଭିନ୍ନ ପ୍ରଶ୍ନ ଆସିଛି । ସୌମ୍ୟାଶ୍ରୀ ରାଜନେତା ମାନଙ୍କୁ ନିଜର ଅସୁବିଧା ସମ୍ପର୍କରେ ଜଣାଇଥିଲେ । ତାଙ୍କ କଥା କେହି ଶୁଣିଲେନି ବୋଲି ସେ କହିଥିଲେ । ହେଲେ ସବୁଠାରୁ ବଡ ପ୍ରଶ୍ନ କିଏ ତାଙ୍କୁ ପେଟ୍ରୋଲ ଦେଇଥିଲା । ଆଉ ସେ ପୋଡିହେବା ବେଳେ କିଏ ଭିଡିଓ କରିଥିଲା । ସୋସିଆଲ ମିଡିଆରେ ତାଙ୍କ ପୋଡିହେବା ଭିଡିଓ ଭାଇରାଲ ହେଉଛି । ସେ ସମୟରେ ଯିଏ ବି ଭିଡିଓ କରୁଥିଲା ସେ କଣ ଚାହିଁଥିଲେ ତାଙ୍କୁ ବଂଚାଇପାରିନଥାନ୍ତା । ଜୀବନ ମୃତ୍ୟୁର ଭିଡିଓ କରିବା ଆଗରୁ ତାଙ୍କୁ ଏପରି କରିବାକୁ ମନା କରାଯାଇପାରିଥାନ୍ତା । ହେଲେ ସେମିତି କିଛି ହେଲା ନାହିଁ । ତାଙ୍କ ସାଙ୍ଗମାନେ ଏହି ଘଟଣା ପାଇଁ ଉସକାଇଲେ ନା ଏହା ପଛରେ ଆଉ କିଛି ସତ୍ୟ ଅଛି । ଏସବୁ ପ୍ରଶ୍ନ ଏବେ ସାଧାରଣ ଲୋକଙ୍କ ମନରେ ଆସୁଛି । ପୋଲିସ ଘଟଣାର ତଦନ୍ତ କରିବ ଆଉ ଦୋଷୀକୁ ଦଣ୍ଡ ଦେବ ବୋଲି କହିଛି । ହେଲେ ପ୍ରକୁତ ଘଟଣାର ମୂଳକୁ ଯିବା ଦରକାର । ସୌମ୍ୟାଶ୍ରୀ ହୁଅନ୍ତୁ କି କେହି ବି ହୁଅନ୍ତୁ ଜାଣି ଶୁଣି କେହି ମୃତ୍ୟୁକୁ ଡାକିବେ ନାହିଁ । ଯଦି ସୌମ୍ୟାଶ୍ରୀ ଏପରି କରିବା ପାଇଁ ନିଷ୍ପତି ନେଲେ ତାଙ୍କ ପଛରେ କାହାର ହାତ ଅଛି । ତାଙ୍କ ସାଙ୍ଗମାନେ ଯଦି ଏକଥା ଜାଣିଥିଲେ ତେବେ କାହିଁକି ରୋକିଲେ ନାହିଁ । ସେପଟେ ଘଟଣାର ତଦନ୍ତ ହେବ ଆଉ ଯିଏ ଦୋଷୀ ଥିବ ତାକୁ ଦଣ୍ଡ ମିଳିବ ବୋଲି କୁହାଯାଇଛି । ସେ ରାଜନେତା ହୁଅନ୍ତୁ କି କୌଣସି ସାଙ୍ଗ ହୁଅନ୍ତୁ ଆଇନ ନିଶ୍ଚୟ ଦୋଷୀକୁ ଦଣ୍ଡ ଦେବ ବୋଲି କୁହାଯାଇଛି ।