Latest Odisha News

BREAKING NEWS

କାହିଁକି କେରଳର ନାମ କେରଳମ ପରିବର୍ତ୍ତନ କରିବାକୁ ପ୍ରସ୍ତାବ ?

ଥିରୁଅନନ୍ତପୁରମ: କେରଳ ବିଧାନସଭାରେ ସୋମବାର ସର୍ବସମ୍ମତିକ୍ରମେ ଏକ ସଂକଳ୍ପ ପାରିତ ହୋଇ ରାଜ୍ୟର ନାମ ‘କେରଳ’ରୁ ‘କେରଳମ୍’ କରିବା ପାଇଁ ପ୍ରସ୍ତାବ ପାରିତ ହୋଇଛି। ସମ୍ବିଧାନ ସଂଶୋଧନ ଆଣିବାକୁ କେନ୍ଦ୍ର ସରକାରଙ୍କୁ ଏଥିପାଇଁ କେରଳ ସରକାର ଅନୁରୋଧ କରିଛନ୍ତି। ସୋମବାର ରାଜ୍ୟ ବିଧାନସଭାରେ ସାମାନ୍ୟ ସଂଶୋଧନ ସହ ଦ୍ୱିତୀୟ ଥର ପାଇଁ ସଂକଳ୍ପ ପାରିତ ହୋଇଛି।

ମୁଖ୍ୟମନ୍ତ୍ରୀ ପିନାରାୟୀ ବିଜୟନ ସମ୍ବିଧାନର ଧାରା ୩ ଅନୁଯାୟୀ ରାଜ୍ୟର ନାମ ପରିବର୍ତ୍ତନ କରି ପ୍ରଥମ ଅନୁସୂଚୀରେ ‘କେରଳମ୍’ କରିବା ପାଇଁ ପଦକ୍ଷେପ ନେବାକୁ ପ୍ରସ୍ତାବ ଆଗତ କରିଥିଲେ। ସେ କହିଥିଲେ ଯେ ମାଲାୟାଲମରେ ‘କେରଳମ୍’ ନାମ ବ୍ୟବହୃତ ହୁଏ ଏବଂ ସ୍ୱାଧୀନତା ପରଠାରୁ ମାଲାୟାଲମ୍ ଭାଷୀ ସମ୍ପ୍ରଦାୟ ପାଇଁ ଏକ ମିଳିତ କେରଳର ଦାବି ପ୍ରମୁଖ ରହିଛି।

ସମ୍ବିଧାନର ପ୍ରଥମ ଅନୁସୂଚୀରେ ରାଜ୍ୟର ନାମ କେରଳ ଲେଖାଯାଇଛି। ସମ୍ବିଧାନର ଧାରା ୩ ଅନୁଯାୟୀ ଏହାକୁ ‘କେରଳମ୍’ ନାମରେ ସଂଶୋଧନ କରିବା ଏବଂ ସମ୍ବିଧାନର ଅଷ୍ଟମ ଅନୁସୂଚୀରେ ଉଲ୍ଲେଖ କରାଯାଇଥିବା ସମସ୍ତ ଭାଷାରେ ଏହାକୁ ‘କେରଳମ୍’ ନାମରେ ନାମିତ କରିବା ପାଇଁ ତୁରନ୍ତ ପଦକ୍ଷେପ ନେବାକୁ କେରଳ ବିଧାନସଭା କେନ୍ଦ୍ରକୁ ଅନୁରୋଧ କରିଛି।

ଗତ ବର୍ଷ ଅଗଷ୍ଟ ୯ ତାରିଖରେ ସର୍ବସମ୍ମତିକ୍ରମେ ରାଜ୍ୟର ନାମ ପରିବର୍ତ୍ତନ ପାଇଁ ପ୍ରସ୍ତାବ ପାରିତ ହୋଇଥିଲା। ସମ୍ବିଧାନର ପ୍ରଥମ ଅନୁସୂଚୀରେ ରାଜ୍ୟର ନାମ ପରିବର୍ତ୍ତନ କରି ‘କେରଳମ୍’ କରିବାକୁ ପ୍ରସ୍ତାବରେ କେନ୍ଦ୍ରକୁ କୁହାଯାଇଛି। ସେହିଭଳି ଅଷ୍ଟମ ଅନୁସୂଚୀ ଅନୁଯାୟୀ କେନ୍ଦ୍ର ସମସ୍ତ ଭାଷାରେ ‘କେରଳମ୍’ ନାମ ପରିବର୍ତ୍ତନ କରିବାକୁ ପ୍ରସ୍ତାବରେ କୁହାଯାଇଛି।

ତେବେ ବିସ୍ତୃତ ଯାଞ୍ଚ ପରେ ଜଣାପଡ଼ିଲା ଯେ ସମ୍ବିଧାନର ପ୍ରଥମ ଅନୁସୂଚୀରେ ଏଭଳି ସଂଶୋଧନର ଆବଶ୍ୟକତା ରହିଛି। ସେଥିପାଇଁ ନୂଆ ସଂକଳ୍ପ ଅଣାଯାଉଛି ବୋଲି ମୁଖ୍ୟମନ୍ତ୍ରୀ ସ୍ପଷ୍ଟ କରିଛନ୍ତି।

ପିନାରାୟୀ ତାଙ୍କ ସଂକଳ୍ପରେ ଏହା ମଧ୍ୟ ଦର୍ଶାଇଛନ୍ତି ଯେ ମାଲାୟାଲମ୍ ଭାଷାରେ ସାଧାରଣତଃ ‘କେରଳମ୍’ ନାମ ବ୍ୟବହୃତ ହୁଏ। ତେବେ ସରକାରୀ ରେକର୍ଡରେ ରାଜ୍ୟକୁ ‘କେରଳ’ କୁହାଯାଉଛି। ଏହି ପରିପ୍ରେକ୍ଷୀରେ ଏହି ସଂକଳ୍ପ ଆଗତ କରାଯାଇଛି।

Leave A Reply

Your email address will not be published.