ଭୁବନେଶ୍ୱର:ଭୁବନେଶ୍ୱର ରସୁଲଗଡ ଅଞ୍ଚଳରେ ଲୁଟେରାଙ୍କ ଦୌରାତ୍ମ୍ୟ। ଚଳନ୍ତା ଗାଡିରୁ ଝାମ୍ପି ନେଲେ ମୋବାଇଲ। ସ୍କୁଟିରୁ ଖସିପଡି ଗୁରୁତର ଯୁବତୀ।
ମିଳିଥିବା ସୂଚନାନୁସାରେ, ରସୁଲଗଡ କେନାଲ ରୋଡରେ ଘଟିଛି ଏହି ଘଟଣା । ଜଣେ ଦୁର୍ବୁତ୍ତ ଚଳନ୍ତା ଗାଡିରୁ ଜଣେ ଯୁବତୀଙ୍କ ମୋବାଇଲ ଝାମ୍ପି ନେବା ବେଳେ ଗାଡିରୁ ପଡ଼ି ଯୁବତୀ ଜଣଙ୍କ ଗୁରୁତର ଆହତ ହୋଇଛନ୍ତି ।
ଜଣେ ସମାଜସେବୀ ମହିଳାଙ୍କୁ ଉଦ୍ଧାର କରି ତାଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଇଛନ୍ତି । ଦିନ ପ୍ରାୟ ୨ ଟା ସମୟରେ ଏହି ଅଘଟଣ ଘଟିଛି ।
ମଞ୍ଚେଶ୍ୱର ପୋଲିସ ଷ୍ଟେସନରେ ଅଭିଯୋଗ କରିବା ପରେ ଯୁବତୀଙ୍କ ବାପା ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ, ଝିଅ ସ୍କୁଟିରେ ଯାଉଥିବା ବେଳେ କିଛି ଦୁର୍ବୁତ୍ତ ବାଇକ ଯୋଗେ ଆସି ତା ମୋବାଇଲ ଛଡାଇ ନେଇଥିଲେ । ଭାରସାମ୍ୟ ହରାଇ ଝିଅଟି ପଡିଯିବାରୁ ତାର ଶରୀରରେ ଏକାଧିକ କ୍ଷତ ହୋଇଛି ।