ନୂଆଦିଲ୍ଲୀ: କୋଭିଡ-୧୯ ମହାମାରୀକୁ ଏଡାଇବା ପାଇଁ ସମଗ୍ର ବିଶ୍ୱରେ କୋଭିଡ ଟିକାକରଣ ଦ୍ରୁତ ଗତିରେ ଚାଲିଛି। ଯାହା କରୋନାକୁ ରୋକିବା ପାଇଁ ଏକ ବଡ଼ ପଦକ୍ଷେପ ବୋଲି କୁହାଯାଉଛି। ଏହାର କାରଣ ହେଉଛି ପ୍ରାୟ ସମସ୍ତ ଦେଶ ନିଜ ନାଗରିକଙ୍କୁ ସଚେତନ କରାଇବା ଏବଂ କରୋନା ଟିକା ପାଇବାକୁ ଉତ୍ସାହିତ କରିବା ପାଇଁ ନୂଆ ନୂଆ ଅଫର ପ୍ରଦାନ କରୁଛନ୍ତି।
ନିକଟରେ ଅଷ୍ଟ୍ରେଲିଆରୁ ଏକ ଆଶ୍ଚର୍ଯ୍ୟ କଲା ଭଳି ଖବର ସାମ୍ନାକୁ ଆସିଛି। ଯେଉଁଠାରେ ଟିକା ପାଇବା ପରେ ଜଣେ ମହିଳାଙ୍କ ଭାଗ୍ୟ ବଦଳି ଯାଇଛି। ଅଷ୍ଟ୍ରେଲିଆର ଜଣେ ମହିଳା କୋଭିଡ୍-୧୯ ଟିକା ଲଟେରୀ ଜିତିବା ପରେ ତୁରନ୍ତ କୋଟିପତି ହୋଇପାରିଛନ୍ତି।
ରିପୋର୍ଟ ଅନୁଯାୟୀ, ୨୫ ବର୍ଷୀୟ ଜୋଆନ୍ ଜୁ ଗତ ମାସରେ ଏକ ମିଲିୟନ ଡଲାର ଟିକା ଲଟେରୀରେ ଭାଗ ନେଇଥିଲେ। କୋଭିଡ୍ ଟିକାକରଣ ହାର ବୃଦ୍ଧି ପାଇଁ ଏହି ଲଟେରୀ ପ୍ରତିଷ୍ଠା କରାଯାଇଥିଲା। ପ୍ରାୟ ୨୭,୪୪,୯୭୪ ଅଷ୍ଟ୍ରେଲୀୟମାନେ ୩,୬୦୦ ପୋଷ୍ଟକୋଡରୁ ମିଲିୟନ୍ ଡଲାର ଟିକା ପାଇଁ ପଞ୍ଜିକୃତ କରିଥିଲେ। ଲଟେରୀରେ ଅଂଶଗ୍ରହଣକାରୀମାନଙ୍କୁ ଅକ୍ଟୋବର ୩୧ ସୁଦ୍ଧା ଗୋଟିଏ ଡୋଜ୍ ଟିକା ମିଳିସାରିଥିଲା।
ଲକ୍ଷ ଲକ୍ଷ ଲୋକଙ୍କ ମଧ୍ୟରେ ଜୁ ଲକି ଡ୍ରରେ ରାତାରାତି କୋଟିପତି ହୋଇଥିଲେ। ସେ ଟିକା ପାଇଁ AU $ 1 ମିଲିୟନ୍ କିମ୍ବା ୫.୪ କୋଟି ଲଟେରୀ ଜିତିଥିଲେ। ଜୁ ଏପର୍ଯ୍ୟନ୍ତ ଏହି ଜୀବନ ପରିବର୍ତ୍ତନକାରୀ ଘଟଣାକୁ ସହଜରେ ଗ୍ରହଣ କରିପାରିନଥିବା କହିଛନ୍ତି।
Comments are closed.