[ଶୁଣନ୍ତୁ] ଦିନର ଟପ୍ ହେଡଲାଇନ୍ସ

Uncategorizedଫିଚରମୁଖ୍ୟ ଖବର

By ଓଡ଼ିଶା ସମ୍ବାଦ ବ୍ୟୁରୋ On Jun 28, 2022

ମହାରାଷ୍ଟ୍ରରେ କ୍ଷମତା ସଂକଟ ଏବେ ଭିନ୍ନ ମୋଡ ନେବାକୁ ଯାଉଛି । ସରକାର ଗଠନ ନେଇ ଚର୍ଚ୍ଚା ଆରମ୍ଭ । ଦିଲ୍ଲୀ ଗସ୍ତରେ ଫଡନଭିସ୍, ଶାହାଙ୍କୁ ଭେଟି ପ୍ରସ୍ତୁତ କରିପାରନ୍ତି ରଣନୀତି ! ସେପଟେ ସଂଜୟ ରାୱତଙ୍କ ପାଇଁ ବଢିଲା ଅଡୁଆ, ହାଜର ହେବାକୁ ଦ୍ୱିତୀୟ ନୋଟିସ ପଠାଇଲା ପ୍ରବର୍ତ୍ତନ ନିର୍ଦ୍ଦେଶାଳୟ
କଟକ କିଶନ ନଗର ଥାନା ସାମ୍ନାରେ ଯୁବକଙ୍କ ଆତ୍ମହତ୍ୟା ଘଟଣା । ଆକ୍ସନ ମୋଡ୍‌ରେ ଡିଜିପି । ସସ୍‌ପେଣ୍ଡ୍‌ ହେଲେ କିଶନ ନଗର IIC ସସ୍ମିତା ରଣା । ଦାୟିତ୍ୱରେ ଅବହେଳା ପାଇଁ ସସ୍ମିତାଙ୍କୁ ପୋଲିସ ଡିଜି ନିଲମ୍ବିତ କରିଛନ୍ତି।
ରାଜ୍ୟ ପାଇଁ ପୁଣି ଟେନସନ୍‌ ବଢାଇଲା କରୋନା। ଦୈନିକ ସଂକ୍ରମଣରେ ଶହେ ପାର୍‌। ୨୪ ଘଣ୍ଟାରେ ଆଉ ୧୧୩ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଚିହ୍ନଟଙ୍କ ମଧ୍ୟରୁ ୧୮ ବର୍ଷରୁ କମ୍ ବର୍ଗରୁ ୧୫ ଆକ୍ରାନ୍ତ ଅଛନ୍ତି।
ନୀଳ କୁର୍ତ୍ତା ପିନ୍ଧି ଶେଖ୍ ଜାଏଦ ମସଜିଦ୍ ବୁଲିଲେ ନବୀନ । ବିଦେଶଗସ୍ତ ଅବସରରେ ଆବୁଧାବିର ଶେଖ୍ ଜାଏଦ ମସଜିଦ ପରିଦର୍ଶନ କରିଛନ୍ତି ମୁଖ୍ୟମନ୍ତ୍ରୀ । ମୋଗଲ ସ୍ଥାପତ୍ୟର ଉତ୍କର୍ଷତା ଦର୍ଶାଇବା ସହ ସ୍ଥପତି ଓ ଶିଳ୍ପୀଙ୍କ ପ୍ରଶଂସାରେ ଶତମୁଖ ହୋଇଥିଲେ ନବୀନ ।
ଆଠଗଡ ବନଖଣ୍ଡର ନରସିଂହପୁର ଅଂଚଳରୁ ୫ ହାତୀ କଙ୍କାଳ ମିଳିବା ପରେ ତନାଘନା । ଘଟଣାରେ ୨ ଜଣ ଫରେଷ୍ଟର ଫେରାର । ଗତକାଲି ଆଉ ଏକ ହାତୀ କଙ୍କାଳ ମିଳିବା ପରେ ଏନେଇ ଉଚ୍ଚ ସ୍ତରୀୟ ତଦନ୍ତ କରାଯାଉଛି । ହାତୀମୃତ୍ୟୁ ପଛରେ ଫରେଷ୍ଟରମାନଙ୍କ ସମ୍ପୃକ୍ତି ଥିବା ତଦନ୍ତରୁ ଜଣାପଡିଛି ।
ଆସିଲା ଓଡ଼ିଆ ଅଭିନେତା ରାଇମୋହନଙ୍କ ପୋଷ୍ଟମର୍ଟମ ରିପୋର୍ଟ । ଗଳାରେ ରଶି ଲଗାଇବା କାରଣରୁ ଶ୍ୱାସରୁଦ୍ଧ ଯୋଗୁ ମୃତ୍ୟୁ ହୋଇଥିବା ଜଣାପଡ଼ିଛି।କମିଶନରେଟ୍‌ ପୋଲିସ୍‌କୁ ପୋଷ୍ଟମର୍ଟମ ରିପୋର୍ଟ ହସ୍ତଗତ କରାଯାଇଛି। ଶରୀରରେ ଥିବା ସାମାନ୍ୟ କ୍ଷତ ମୃତ୍ୟୁ ପୂର୍ବର ହ୍ୟାଙ୍ଗିଙ୍ଗ୍ ଯୋଗୁ ହୋଇଥିବା ସୂଚନା ମିଳିଛି।
ରାଜ୍ୟରେ ସ୍ଥିର ରହିଛି ମୌସୁମୀ । ଦକ୍ଷିଣ ଛତିଶଗଡ଼ ଅଞ୍ଚଳରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ପ୍ରଭାବରେ ଜାରି ରହିଛି ବର୍ଷା । ୩୦ପରେ ରାଜ୍ୟର ଉତ୍ତର ଓ ଆଭ୍ୟନ୍ତରୀଣ ଅଞ୍ଚଳରେ ଆହୁରି ବଢ଼ିବ ବର୍ଷା । ଆସନ୍ତା ୨୪ଘଣ୍ଟାରେ ବର୍ଷା ନେଇ ୧୨ଟି ଜିଲ୍ଲାକୁ ୟେଲୋ ଆଲର୍ଟ ଜାରି
ଦୁଇଦିନ ପରେ ବିଶ୍ୱପ୍ରସିଦ୍ଧ ଘୋଷଯାତ୍ରା । ପୁରୀ ରିଜର୍ଭ ପୋଲିସ ଲାଇନ ପଡ଼ିଆରେ ପୋଲିସର ମକଡ୍ରିଲ । ରଥଟଣା, ଭିଡ଼ ନିୟନ୍ତ୍ରଣ‌ ଓ ଆଇନଶୃଙ୍ଖଳା ବ୍ୟବସ୍ଥା ସମ୍ପର୍କରେ ଦିଆଯାଉଛି ପ୍ରଶିକ୍ଷଣ ।‌ ଅନ୍ୟପକ୍ଷରେ ଶ୍ରୀଜିଉଙ୍କ ବନକଲାଗିରେ ଶ୍ରୀମନ୍ଦିରରେ ଅନୁଷ୍ଠିତ ହେଉଛି ସ୍ୱତନ୍ତ୍ର ନୀତିକାନ୍ତି ।
କୁଲ୍‌ଗାମ ଏନକାଉଣ୍ଟରରେ ୨ ଆତଙ୍କବାଦୀ ନିପାତ । କୁଲ୍‌ଗାମ୍‌ ଜିଲ୍ଲାରେ ଆତଙ୍କବାଦୀମାନେ ସେନା ଉପରକୁ ଆକ୍ରମଣ କରିବାରୁ ଅପରେସନ୍‌ ଏନ୍‌କାଉଣ୍ଟରରେ ପରିଣତ ହୋଇଥିଲା। ଗତକାଲି ଡୋଡା ବାହାରୀ ଅଞ୍ଚଳରୁ ଜଣେ ଆତଙ୍କବାଦୀକୁ
ଗିରଫ କରାଯାଇଛି।
G7 Summitରେ ସାମିଲ ରାଷ୍ଟ୍ର ମୁଖ୍ୟମାନଙ୍କୁ ଉପହାର ଦେଲେ ମୋଦି । G7 ଶିଖର ସମ୍ମିଳନୀରେ ଯୋଗଦେବା ପାଇଁ ପ୍ରଧାନମନ୍ତ୍ରୀ ମୋଦି ଜର୍ମାନୀ ଗସ୍ତରେ ଥିଲେ । ଭାରତୀୟ କଳା, ସଂସ୍କୃତି ଓ ଦକ୍ଷତାର ପରିଚୟ ଥିବା ବିଭିନ୍ନ ଉପହାର ରାଷ୍ଟ୍ରମୁଖ୍ୟ ମାନଙ୍କୁ ଦେଇଛନ୍ତି ।
ଆସାମ ବନ୍ୟାରେ ଗଲାଣି ୧୩୪ ଜୀବନ, ଏବେବି ୨୧ ଲକ୍ଷରୁ ଅଧିକ ଲୋକ ପାଣି ଘେରରେ । ମୃତକଙ୍କ ସଂଖ୍ୟା ବଢିବା ପରେ ମୋଟ୍ ମୃତ୍ୟୁସଂଖ୍ୟା ୧୩୪ ଛୁଇଁଛି ।
ମହାରାଷ୍ଟ୍ରର ମୁମ୍ବାଇ ସ୍ଥିତ କୁର୍ଲାର ନାଇକ୍ ନଗରରେ ଭୁଶୁଡିଲା ଚାରି ମହଲା କୋଠା । ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ପ୍ରାୟ ୨୦ରୁ ୨୫ ଜଣ ଲୋକ ମାଟି ତଳେ ଚାପି ହୋଇଥିବା ସନ୍ଦେହ କରାଯାଉଛି । କୋଠା ଖାଲି କରିବାକୁ ବିଏମ୍ ସି ପକ୍ଷରୁ ନୋଟିସ ଜାରି କରାଯାଇଥିଲା । କିନ୍ତୁ ଲୋକେ ପୁରୁଣା ତଥା ଅସୁରକ୍ଷିତ କୋଠା ଛାଡ଼ି ନଥିଲେ।
ଇଂଲଣ୍ଡ ମହିଳା କ୍ରିକେଟରଙ୍କ ସହ ନଜର ଆସିଲେ ସଚିନ ତେନ୍ଦୁଲକରଙ୍କ ପୁଅ ଅର୍ଜୁନ ତେନ୍ଦୁଲକର : ରେଷ୍ଟୁରାଣ୍ଟରେ ଲଞ୍ଚ୍ ଫଟୋ ଭାଇରାଲ ଇଂଲଣ୍ଡ ମହିଳା ଟିମ୍ କ୍ରିକେଟର୍ ଡାନିଏଲ୍ ଓ୍ୱାଟଙ୍କ ସହ ନଜର ଆସିଛନ୍ତି । ଓ୍ୱାଟ୍ ନିଜ ଇନଷ୍ଟାଗ୍ରାମ୍ ପେଜରେ ଅର୍ଜୁନଙ୍କ ଫଟୋ ସେୟାର କରିଛନ୍ତି ।
ବିପଦରେ ରୋହିତ ଶର୍ମାଙ୍କ ଅଧିନାୟକ ପଦ । ହିଟମ୍ୟାନଙ୍କ ନେତୃତ୍ୱ ନେଇ ବଡ ବୟାନ ଦେଇଛନ୍ତି ଭାରତୀୟ ଦଳର ପୂର୍ବତନ ବିସ୍ଫୋରକ ବ୍ୟାଟର୍ ବିରେନ୍ଦ୍ର ସେହ୍ୱାଗ । ରୋହିତଙ୍କୁ ଟି୨୦ ନେତ୍ୱତ୍ୱ ପଦରୁ ବିଶ୍ରାମ ମିଳିପାରେ ବୋଲି ସେ କହିଛନ୍ତି । ଏହାଦ୍ୱାରା ସେ ଭଲ ମ୍ୟାନେଜମେଣ୍ଟ୍ କରିପାରିବେ । କାରଣ ସେ ଅଧିନାୟକ ହେଲା ପରେ ଆଘାତ ଓ ବ୍ୟସ୍ତତା ହେତୁ ଅଧିକ ମ୍ୟାଚ୍ ଖେଳିପାରୁ ନାହାଁନ୍ତି ।
ବିବାହ ପରେ କ୍ୟାଟ୍ରିନାଙ୍କ କମ୍‌ବ୍ୟାକ୍‌, ପୋଷ୍ଟର ସେୟାର କରି ଜଣାଇଲେ ଫିଲ୍ମ ରିଲିଜ୍‌ ଡେଟ୍‌ । ସୋସିଆଲ ମିଡିଆରେ କ୍ୟାଟ୍ରିନା ପୋଷ୍ଟ ସେୟାର କରି ଆଗାମୀ ଫିଲ୍ମ ‘ଫୋନ୍ ଭୂତ୍‌’ର ରିଲିଜ୍ ତାରିଖ କହିଛନ୍ତି।

top headlines