ଦୟାନିଧି ତ୍ରିପାଠୀଙ୍କ ବିଶେଷ ଉପସ୍ଥାପନା
ଜୟ ଜଗନ୍ନାଥ, ଓଁ ନମୋ ଭଗବତେ ବାସୁଦେବାୟ। ପରଂବ୍ରହ୍ମ ଶ୍ରୀଜଗନ୍ନାଥ ଙ୍କ ଶ୍ରୀମନ୍ଦିର ମଧ୍ୟରେ ପ୍ରଚଳିତ ପୂଜା ବିଧିକୁ ନିୟନ୍ତ୍ରିତ କରୁଥିବା ଗ୍ରନ୍ଥ ନୀଳାଦ୍ରି ମହୋଦୟର ଷଷ୍ଠ ଅଧ୍ୟାୟରେ ବର୍ଣ୍ଣିତ ରୀତିନୀତି ଆଲୋଚନା ଜାରି ଅଛି । ଏହି କ୍ରମରେ ଆଜି ଆଲୋଚନା କରିବା ଶ୍ଳୋକ ୧୮୦ ରୁ ୧୮୫ ପର୍ଯ୍ୟନ୍ତ ଷଷ୍ଠ ଅଧ୍ୟାୟ ବର୍ଣ୍ଣିତ।
ଷଷ୍ଠ ଅଧ୍ୟାୟ ଶ୍ଳୋକ ୧୮୦ :- ଶ୍ରୀବିଗ୍ରହ ମାନଙ୍କ ବିମ୍ବ ସ୍ନାନ ପରେ ମୂଳ ମନ୍ତ୍ର ରେ ହରିଙ୍କ ରୂପ ଧ୍ୟାନ କରି ଶୁଦ୍ଧ ଶୁଷ୍କ ଓ ସୁକ୍ଷ୍ମ ବସ୍ତ୍ର ଦ୍ୱାରା ଶ୍ରୀଜୀଉ ମାନଙ୍କ ସର୍ବlଙ୍ଗକୁ ପୋଛି ଦେବା । ଏହି ପରି ପ୍ରାତ କାଳିନ ସ୍ନାନ କାର୍ଯ୍ୟକ୍ରମ ସମାପ୍ତ ହୋଇଥାଏ ।
ଷଷ୍ଠ ଅଧ୍ୟାୟ ଶ୍ଳୋକ ୧୮୧ ରୁ ୧୮୫ :- ଏହି ଶ୍ଳୋକମାନଙ୍କରେ ସ୍ନାନ ପୂର୍ବରୁ ହୋଇଥିବା କାର୍ଯ୍ୟ ସବୁ ବର୍ଣ୍ଣିତ ହୋଇଛି, ଅର୍ଥାତ ସ୍ନାନ ପର୍ଯ୍ୟନ୍ତ ସୂର୍ଯ୍ୟ ଉଦୟ ପୂର୍ବରୁ ଏହି ସବୁ କାର୍ଯ୍ୟ ସମାପନ ହେବା ଉଚିତ ଯଥା ଶ୍ରୀଅଙ୍ଗରେ ଲାଗି ହୋଇଥିବା ପୁଷ୍ପ ଅଳଙ୍କାର ଓ ବସ୍ତ୍ର ନିଶ୍ଚୟ ଓଲାଗି କରିବା ଦରକାର। ଏହି ଶ୍ଳୋକରେ ଏପରି ବର୍ଣ୍ଣିତ ହୋଇଛି ଯେ ଯଦି ସୂର୍ଯ୍ୟ ଉଦୟ ପୂର୍ବରୁ ଏହି ଓଲାଗି କାର୍ଯ୍ୟ ସମାପ୍ତ ହେବା ଉଚିତ ନହେଲେ ସୂର୍ଯ୍ୟଉଦୟ ପରେ ପରେ ଶ୍ରୀଜୀଉମାନଙ୍କ ଶରୀରକୁ ଏହି ବାସି ପୁଷ୍ପ ଓ ବସ୍ତ୍ର ବାସ୍ତବିକ କଣ୍ଟା ସଦୃଶ୍ୟ ଅନୁଭୂତ ହୋଇଥାଏ ଓ ଶରୀରରେ ଫୋଡି ହେବା ପରି ଲାଗିଥାଏ.ବୋଲି ବର୍ଣ୍ଣିତ ହୋଇଛି ।
ଆଗାମୀ ଅଧ୍ୟାୟରେ ଆମେ ଆଲୋଚନା କରିବା ସପ୍ତମ ଅଧ୍ୟାୟର ଶ୍ଳୋକ ସଂଖ୍ୟା ୮ ରୁ ୨୭ ବର୍ତ୍ତମାନ ସମୟ ଆରାଧନା ଓ ଭାଗବତ ପଠନ ।
ଧନ୍ୟ ଜୀବନ ଧନ୍ୟ ତାର
ଦୁର୍ଲଭ କର୍ମ ଏ ବେଭାର ।
ଅଧିକେ ସଂସାର ସଙ୍ଗତେ
ପୀରତି ନ କରିବ ଚିତ୍ତେ।
ଜୟ ଜଗନ୍ନାଥ (ଦ. ତ୍ରି. ଉବାଚ )
