ପୁରୀରେ ଗାଁଠୁ ସହର ୨୪ ଘଣ୍ଟା ପଇଁତରା ମାରିବ ପିସିଆର ଭ୍ୟାନ୍, ପାଟ୍ରୋଲିଂ କଡ଼ାକଡ଼ି

ପୁରୀ: ଅପରାଧିକ କାର୍ଯ୍ୟକଳାପ ଉପରେ କଡ଼ା ନଜର ରଖିବ ପୋଲିସ । ପୁରୀ ଜିଲ୍ଲାର ଗାଁ ଠାରୁ ସହର ପର୍ୟ୍ୟନ୍ତ ସବୁ ଅଞ୍ଚଳରେ ୨୪ ଘଣ୍ଟିଆ ପଇଁତରା ମାରିବ ପିସିଆର । କଣ୍ଟ୍ରୋଲ ରୁମକୁ ଡାଏଲ କରୁଥିବା ବ୍ୟକ୍ତିଙ୍କ ପାଖରେ ତୁରନ୍ତ ପହଞ୍ଚିଯିବ ପିସିଆର ଭ୍ୟାନ୍ । ଏନେଇ ଭିତ୍ତିଭୂମିକୁ ସୁଦୃଢ କରାଯାଇଛି । ଆଉ ୫ଟି ନୂଆ ପିସିଆର ଭ୍ୟାନକୁ ପେଟ୍ରୋଲିଂରେ ସାମିଲ କରାଯାଇଛି ।

ଆସନ୍ତା ମାର୍ଚ୍ଚ ମାସ ସୁଦ୍ଧା ସମସ୍ତ ପୁରୁଣା ପିସିଆର ଭ୍ୟାନକୁ ବଦଳାଯିବ । ନୂଆ ଇନୋଭା ଗାଡିକୁ ସାମିଲ କରାଯିବ ବୋଲି ପୁରୀ ପୋଲିସ ପକ୍ଷରୁ ସୂଚନା ଦିଆଯାଇଛି । ପୋଲିସକୁ ଲୋକଙ୍କ ଅଧିକ ନିକଟତର ଓ ବିଶ୍ୱାସଭାଜନ କରିବାକୁ ଜିଲ୍ଲା ପୋଲିସ ଏଭଳି ପଦକ୍ଷେପ ନେଇଛି ।