ପୋଲସରା: ଆଖି ବୁଜିଲେ ୩ ଶିଶୁ । ଗଂଜାମ ଜିଲ୍ଲା ପୋଲସରା ବ୍ଲକ ଖରଛଟା ଗାଁରେ ପାଳ ଗଦାରେ ନିଆଁ ଲାଗି ୪ ଶିଶୁ ଗୁରୁତର ହେବା ଘଟଣାରେ ୩ ଜଣ ଶିଶୁଙ୍କ ମୃତ୍ୟୁ ହୋଇଛି । ବ୍ରହ୍ମପୁର ଏମ୍କେସିଜି ମେଡିକାଲରେ ଚିକିତ୍ସିତ ଅବସ୍ଥାରେ ୩ ଜଣ ଶିଶୁଙ୍କ ମୃତ୍ୟୁ ହୋଇଥିବା ଡାକ୍ତର ସୂଚନା ଦେଇଛନ୍ତି । ମୃତ ଶିଶୁମାନେ ହେଲେ ସାଇରାମ ଜାନି, ଦୀପକ ଗୌଡ ଓ ଇତିଶ୍ରୀ ଜେନା । ଅନ୍ୟ ଜଣେ ଶିଶୁ ଆଲୋକ ଜେନା ଏବେବି ଗୁରୁତର ଅଛନ୍ତି । ସମସ୍ତ ଶିଶୁଙ୍କ ବୟସ ୭ରୁ ୯ ବର୍ଷ ହେବ ବୋଲି ସୂଚନା ମିଳିଛି ।
ଆଜି ସକାଳେ ଚାରିଜଣ ଛୋଟ ପିଲା ମିଶି ଖେଳୁଥିବା ସମୟରେ ଅଚାନକ ପାଳ ଗଦାରେ ନିଆଁ ଲାଗି ଯାଇଥିଲା। ଉକ୍ତ ନିଆଁରେ ଚାରିଜଣ ଶିଶୁ ପୋଡି ଯାଇଥିଲେ । ଶିଶୁଙ୍କ ଚିତ୍କାର ଶୁଣି ଗ୍ରାମବାସୀ ଏବଂ ପରିବାର ଲୋକ ତାଙ୍କୁ ଉଦ୍ଧାର କରି ପୋଲସରା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ପରେ ସେମାନଙ୍କ ଅବସ୍ଥା ସଂକଟାପନ୍ନ ହେବାରୁ ବ୍ରହ୍ମପୁର ଜ୍ଞଳମଶ ମେଡିକାଲକୁ ସ୍ଥାନାନ୍ତରିତ କରାଯାଇଥିଲା । ହେଲେ ଚିକିତ୍ସିତ ଅବସ୍ଥାରେ ତିନି ଜଣ ଶିଶୁ ଆଖିବୁଜି ଥିବା ଜଣାପଡିଛି । ଅନ୍ୟପଟେ କେଉଁ କାରଣରୁ ପାଳଗଦାରେ ନିଆଁ ଲାଗିଲା ତାହା ଜଣାପଡି ନାହିଁ ।
Comments are closed.