ପୁରୀ : ମର୍ମନ୍ତୁଦ ସଡ଼କ ଦୁର୍ଘଟଣା । ପୁରୀ ଭୁବନେଶ୍ୱର ଜାତୀୟ ରାଜପଥ ପିପିଲି ଅନ୍ତର୍ଗତ ସିଫା କାର୍ଯ୍ୟଳୟ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ଦୁଇ କାର ଭିତରେ ଧକ୍କା ହୋଇ ୪ ଜଣ ଗୁରତର ହୋଇଛନ୍ତି । ସ୍ଥାନୀୟ ଅଞ୍ଚଳର ତିନିଜଣ କଲେଜ ପିଲା ମଧ୍ୟ ଗୁରୁତର ଭାବେ ଆହତ ହୋଇଥିବା ଯୋଗୁଁ ରାଜପଥରେ ଉତେଜନା ସହ ନିଆଁ ଜାଳି ରାଜପଥ ଅବରୋଧ କରିଥିଲେ ସ୍ଥାନୀୟ ବାସିନ୍ଦା । ଉତ୍ୟକ୍ତ ଲୋକେ ରାସ୍ତା ଅବରୋଧ କରି କୌଣସି ଗାଡିକୁ ଛାଡ଼ି ନଥିବା ବେଳେ ଯାତାୟାତରେ ଅସୁବିଧା ଉପୁଜିଥିଲା।
ଘଟଣା ସ୍ଥଳରେ ପିପିଲି ପୋଲିସ ପହଂଚି ଲୋକ ଙ୍କୁ ବୁଝାସୁଝା ପରେ ରାସ୍ତା ରୋକ ହଟିଥିଲା । ଗୁରୁତର ୪ ଜଣ ଙ୍କ ମଧ୍ୟ ରୁ ୩ ଜଣଙ୍କର ପରିଚୟ ମିଳିଛି । ଗୁରୁତର ହେଲେ ସତ୍ୟମ ଦାସ, କହ୍ନେଇ ମଳିକ, ସୋନମୟ ବେହେରା । ଏମାନେ ରାସ୍ତାପାର୍ଶ୍ଵରେ ଠିଆ ହୋଇଥିବା ବେଳେ ପୁରୀରୁ ଭୁବନେଶ୍ୱର ଅଭିମୁଖେ ଯାତ୍ରା କରୁଥିବା କାର ଏମାନଙ୍କୁ ଧକ୍କା ଦେବା ସହିତ ରାସ୍ତାରେ ଯାତ୍ରା କରୁଥିବା ଅନ୍ୟ ଏକ କାରକୁ ମଧ୍ୟ ଧକ୍କା ଦେଇଥିଲା ।
ସ୍ଥାନୀୟ ଲୋକମାନେ ଗୁରୁତର ମାନଙ୍କୁ ଚିକିତ୍ସା ପାଇଁ ଭୁବନେଶ୍ବର ପଠାଇଥିବା ବେଳେ ନିଆଁ ଜାଳି ରାସ୍ତା ଅବରୋଧ କରି ଥିଲେ । ଉତ୍ୟକ୍ତ ଲୋକେ ରାସ୍ତା ଅବରୋଧ କରି କୌଣସି ଗାଡିକୁ ଛାଡ଼ି ନଥିବା ବେଳେ ଯାତାୟାତ ରେ ଅସୁବିଧା ଉପୁଜିଥିଲା।
Comments are closed.