ନୂଆଦିଲ୍ଲୀ: ସୁପ୍ରିମକୋର୍ଟରେ ପଶିଲା କରୋନା । ୪ ଜଣ ବିଚାରପତି ସଂକ୍ରମିତ ହୋଇଛନ୍ତି । ସେମାନେ ଏବେ ଆଇସୋଲେସନରେ ଅଛନ୍ତି । ପୂର୍ବରୁ ଗତ ଗୁରୁବାର ଦିନ ଦୁଇ ଜଣ ସୁପ୍ରିମକୋର୍ଟ ବିଚାରପତି କରୋନା ସଂକ୍ରମିତ ହୋଇଥିଲେ । ଆଜି ଆଉ ଜଣ ଜଜ୍ ପଜିଟିଭ୍ ବାହାରିଛନ୍ତି ।
ସୁପ୍ରିମକୋର୍ଟରୁ କରୋନା ସଂକ୍ରମିତ ଚିହ୍ନଟ ପରେ ସମସ୍ତ ଅଧିକାରୀ ଓ କର୍ମଚାରୀଙ୍କର କୋଭିଡ୍ ଟେଷ୍ଟ କରାଯାଇଛି । ସେମାନଙ୍କ ଭିତରୁ ୧୫୦ ଜଣ କର୍ମଚାରୀ ସଂକ୍ରମିତ ହୋଇଥିବା କୁହାଯାଉଛି । ସେମାନେ କ୍ୱାରେଣ୍ଟିନରେ ଥିବା କୁହାଯାଉଛି । ଏନେଇ ସୁପ୍ରିମକୋର୍ଟ ପକ୍ଷରୁ କୌଣସି ବିଧିବଦ୍ଧ ସୂଚନା ଦିଆଯାଇ ନାହିଁ ।
ଗତ ସପ୍ତାହରେ ପ୍ରଧାନ ବିଚାରପତି ଜଷ୍ଟିସ ଏନ୍. ଭି. ରମଣା କହିଥିଲେ, ଦେଶରେ ସଂକ୍ରମଣ ବଢୁଛି । ଏଭଳି ସ୍ଥିତିରେ ଆଗାମୀ ୪-୬ ସପ୍ତାହ କୋର୍ଟରୁମରେ ଶୁଣାଣି କରିବା ସମ୍ଭବ ନୁହେଁ । ସଂକ୍ରମଣ ବଢୁଥିବାରୁ ଓ ଆଗକୁ ଅଧିକ କର୍ମଚାରୀ ପଜିଟିଭ୍ ବାହାରିଥଲେ କୋର୍ଟ କାର୍ୟ୍ୟ ଭର୍ଚୁଆଲ ମୋଡରେ ହୋଇପାରେ ।