ଓଡ଼ିଶାର ୫ ଜିଲ୍ଲାରେ କେବଳ ୬୨% କୋଭିଡ୍ ଆକ୍ଟିଭ୍ କେସ୍

ଭୁବନେଶ୍ୱର: ରାଜ୍ୟରେ ଦୈନିକ କରୋନା କେସ୍ ୧୦ ହଜାର ତଳକୁ ଖସୁନି । ଉପରମୁହାଁ ହେଉଛି କରୋନା ଗ୍ରାଫ । ସଂକ୍ରମଣ ସହ ବଢୁଛି ଆକ୍ଟିଭ୍ କେସ୍ । ପଜିଟିଭ୍ ହାର ବି ବଢୁଛି । କରୋନା ମାନଚିତ୍ରରେ ବଦଳୁଛି ଓଡ଼ିଶାର ରଙ୍ଗ । ପଜିଟିଭିଟିରେ ନାଲି ହୋଇଚି ଓଡ଼ିଶା । ଆକ୍ଟିଭ୍ କେସ୍ ରେଡ୍ ଜୋନରେ ଅଛି ୫ଟି ଜିଲ୍ଲା ଖୋର୍ଦ୍ଧା, କଟକ, ସୁନ୍ଦରଗଡ଼, ସମ୍ୱଲପୁର ଓ ବାଲେଶ୍ୱର ।
୫ ଜିଲ୍ଲାରେ ୬୨% ଆକ୍ଟିଭ୍ କେସ୍
ଓଡ଼ିଶାରେ ବର୍ତ୍ତମାନ ସୁଦ୍ଧା ୮୪ହଜାର ୭୭୦ ଆକ୍ଟିଭ୍ କେସ୍ ରହିଛି । ଏଥିରୁ କେବଳ ୫ଟି ଜିଲ୍ଲାରେ କେବଳ ୫୨ହଜାର ୯୫୮ କରୋନା ସକ୍ରିୟ ମାମଲା ରହିଛି । ଅର୍ଥାତ୍ ୫ ଜିଲ୍ଲାରେ ଅଛି ରାଜ୍ୟର ୬୨ ପ୍ରତିଶତ ଆକ୍ଟିଭ୍ କେସ୍ । ଖୋର୍ଦ୍ଧାରେ ସର୍ବାଧିକ ୨୯ହଜାର ୭୫୪, ସୁନ୍ଦରଗଡ଼ରେ ୧୦ହଜାର ୫୫୪, କଟକରେ ୫ହଜାର ୯୩୪, ସମ୍ୱଲପୁରରେ ୩ହଜାର ୪୯୮ ଓ ବାଲେଶ୍ୱରରେ ରହିଛି ୩ହଜାର ୨୨୭ ଆକ୍ଟିଭ୍ କେସ୍ ।
ପଜିଟିଭିଟି ରେଡ୍ ଜୋନରେ ୨୫ ଜିଲ୍ଲା
ସେହିପରି ପଜିଟିଭିଟି ରେଡ୍ ଜୋନକୁ ଗଲାଣି ଓଡ଼ିଶାର ୨୫ ଜିଲ୍ଲା । ୟେଲୋ ଜୋରେ ଅଛି କଳାହାଣ୍ଡି, ଢେଙ୍କାନାଳ ଓ ଭଦ୍ରକ ଜିଲ୍ଲା । ଗ୍ରୀନ୍ ଜୋନରେ ଗଞ୍ଜାମ ଓ କେନ୍ଦ୍ରାପଡ଼ା ଜିଲ୍ଲା ରହିଛି । ସୁନ୍ଦରଗଡ଼ ଜିଲ୍ଲାରେ ସର୍ବାଧିକ ୩୬.୧ ପ୍ରତିଶତ ରହିଛି ପଜିଟିଭ୍ ହାର । ଖୋର୍ଦ୍ଧାରେ ୩୧.୭, କଟକରେ ୧୮, କଳାହାଣ୍ଡିରେ ୧୫.୪, ବଲାଙ୍ଗିରରେ ୧୪.୮, ରାୟଗଡ଼ାରେ ୧୪.୬, ମୟୂରଭଞ୍ଜରେ ପଜିଟିଭ୍ ହାର ରହିଛି ୧୨.୪ ପ୍ରତିଶତ । ଦୈନିକ ସଂକ୍ରମିତଙ୍କ ସଂଖ୍ୟା ବଢୁଥିଲେ ବି ରାଜ୍ୟରେ କମ୍ ରହିଛି ହସ୍ପିଟଲାଇଜେସନ୍ ।