ନୂଆଦିଲ୍ଲୀ: ସାରା ଦେଶରେ ସରକାର ସ୍କୁଲ ଖୋଲୁଛନ୍ତି,ତେଣୁ ଏ ନେଇ ଅଭିଭାବକଙ୍କ ଏକ ସର୍ଭେ କରାଯାଇଥିଲା । ଏଥିରୁ ଜଣାଯାଇଛି ଯେ,
ସମୁଦାୟ ୭୧% ଅଭିଭାବକ ନିଜ ପିଲାମାନଙ୍କୁ ସ୍କୁଲକୁ ପଠାଇବାକୁ ଇଚ୍ଛୁକ ନୁହଁନ୍ତି । ନଅ ପ୍ରତିଶତ ଲୋକ ଏ ନେଇ ଅନିଶ୍ଚିତାରେ ରହିଛନ୍ତି । ଲୋକାଲ୍ ସର୍କଲ୍ସ ଦ୍ୱାରା କରାଯାଇଥିବା ଏକ ସର୍ଭେ ଅନୁଯାୟୀ ଏହି ତଥ୍ୟ ଟି ସାମନାକୁ ଆସିଛି ।
ରିପୋର୍ଟ ଅନୁଯାୟୀ, ନିଜ ପିଲାମାନଙ୍କୁ ସ୍କୁଲକୁ ପଠାଇବାକୁ ଇଚ୍ଛୁକ ଅଭିଭାବକଙ୍କ ସଂଖ୍ୟା ଅଗଷ୍ଟ ମାସରେ ୨୩ ପ୍ରତିଶତରୁ ସେପ୍ଟେମ୍ବରରେ ୨୦ ପ୍ରତିଶତକୁ ହ୍ରାସ ପାଇଛି।
ସମୁଦାୟ ୩୨ ପ୍ରତିଶତ ଅଭିଭାବକ କହିଛନ୍ତି ଯେ ଡିସେମ୍ବର ୩୧ ସୁଦ୍ଧା ବିଦ୍ୟାଳୟ ଖୋଲିବା ଉଚିତ, ୩୪ ପ୍ରତିଶତ ଲୋକ କହିଛନ୍ତି ଯେ ସରକାର ଏହି ଶିକ୍ଷାବର୍ଷ ପାଇଁ ବିଦ୍ୟାଳୟ ଖୋଲିବା ଉଚିତ ନୁହେଁ ଯେତେବେଳେ ସାତ ପ୍ରତିଶତ ଲୋକ ଅକ୍ଟୋବର ୧ରୁ ବିଦ୍ୟାଳୟ ଖୋଲିବାକୁ ସପକ୍ଷରେ ଅଛନ୍ତି।
ସର୍ଭେ ଅନୁଯାୟୀ, କେବଳ ୨୮ ପ୍ରତିଶତ ଅଭିଭାବକ କହିଛନ୍ତି ଯେ ଡିସେମ୍ବର ୩୧ ପୂର୍ବରୁ ୨୦୨୦ କ୍ୟାଲେଣ୍ଡର ବର୍ଷରେ ବିଦ୍ୟାଳୟଗୁଡ଼ିକ ଖୋଲିବା ଉଚିତ୍, ଯେତେବେଳେ କି ୩୪ ପ୍ରତିଶତ ଅନୁଭବ କରନ୍ତି ଯେ କେବଳ ଆଗାମୀ ଶିକ୍ଷାବର୍ଷ କିମ୍ବା ଏପ୍ରିଲ ୨୦୨୧ ରେ ଖୋଲିବେ ।