ପୁଣେ: ରଖିଲେ ହରି ମାରିବ କିଏ । ପୁଣେର ପୁରନ୍ଦର ଅଂଚଳରେ ଚାଷ କରୁଥିବା କିଛି କୃଷକଙ୍କ ଯୋଗୁ ଜଣେ ନିଷ୍ପାପ ଶିଶୁର ଜୀବନ ରକ୍ଷା ହୋଇପାରିଛି । ୨ ଜଣ ବ୍ୟକ୍ତି ଛୋଟ ପିଲାଟିକୁ ଆଣି ମାଟିରେ ପୋତି ଦେଉଥିଲେ । ପିଲାଟି କାନ୍ଦିବାରୁ ପାଖରେ ଥିବା କୃଷକମାନେ ଦୌଡି ଆସିଥିଲେ । ଶିଶୁକୁ ବଂଚାଇବା ସହ ସେମାନେ ଅଭିଯୁକ୍ତଙ୍କ ଧରିଥିଲେ । ଆଉ କିଛି ମିନିଟ ଡେରି ହୋଇଥିଲେ ସବୁ କିଛି ସରି ଯାଇଥାନ୍ତା ବୋଲି ଜଣେ କୃଷକ କହିଛନ୍ତି ।
ମାତ୍ର ପୋଲିସ ଆସିବା ପୂର୍ବରୁ ସେମାନେ ଧକ୍କା ଦେଇ ସେ ସ୍ଥାନରୁ ଖସି ପଳାଇଥିଲେ । ଶିଶୁଟି ବର୍ତମାନ ସୁସ୍ଥ ଅଛି । ତେବେ ପରିଚୟ ମିଳିପାରି ନ ଥିବାରୁ ପୋଲିସ ଦୋଷୀ ନିକଟରେ ପଂହଚି ପାରୁ ନାହିଁ । ସେମାନେ ବାଇକରେ ଆସିଥିବାରୁ ସେହି ରାସ୍ତାରେ ଥିବା ସିସିଟିଭିକୁ ଯାଂଚ କରାଯାଉଛି ।
Comments are closed.