ନୂଆଦିଲ୍ଲୀ: କେନ୍ଦ୍ର କ୍ରୀଡ଼ା ମନ୍ତ୍ରୀ କିରଣ ରିଜିଜୁ କହିଛନ୍ତି ଯେ ଭାରତରେ ସ୍ୱଦେଶୀ କ୍ରୀଡ଼ାର ଏକ ସମୃଦ୍ଧ ଐତିହ୍ୟ ରହିଛି ଏବଂ ଏହି କ୍ରୀଡ଼ା ସଂରକ୍ଷଣ, ପ୍ରୋତ୍ସାହନ ତଥା ଲୋକପ୍ରିୟ କରିବା କ୍ରୀଡ଼ା ମନ୍ତ୍ରଣାଳୟର ପ୍ରାଥମିକତା।
ଯେଉଁଥିପାଇଁ ଖେଲୋ ଇଣ୍ଡିଆ ୟୁଥ୍ ଗେମ୍ସ ୨୦୨୧ ରେ ଚାରୋଟି ସ୍ୱଦେଶୀ ଖେଳକୁ ଅନ୍ତର୍ଭୁକ୍ତ କରିବାକୁ କ୍ରୀଡା ମନ୍ତ୍ରଣାଳୟ ଅନୁମୋଦନ କରିଛି। ଏହି ଖେଳଗୁଡିକ ହେଉଛି – ଗଟ୍କା, କଲରିପାୟତ୍ତୁ, ଥାଙ୍ଗା-ତା ଏବଂ ମଲ୍ଲଖମ୍ବ। ଖେଲୋ ଇଣ୍ଡିଆ ଯୁବ କ୍ରୀଡା ହରିୟାଣାର ପଞ୍ଚକୁଲା ଠାରେ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି।
ସେ କହିଛନ୍ତି, ‘ଖେଲୋ ଇଣ୍ଡିଆ ଗେମ୍ସ ଏକ ଉତ୍ତମ ପ୍ଲାଟଫର୍ମ। ଯେଉଁଠାରେ ଏହି ଖେଳାଳିମାନେ ପ୍ରତିଦ୍ୱନ୍ଦ୍ୱିତା କରିପାରିବେ। ମୁଁ ଘୋଷଣା କରି ବହୁତ ଖୁସି ଯେ ଯୋଗାସନ ସହିତ ଖେଲୋ ଇଣ୍ଡିଆ ୟୁଥ୍ ଗେମ୍ସ ୨୦୨୧ ରେ ଚାରୋଟି ସ୍ୱଦେଶୀ ଖେଳ ଅନ୍ତର୍ଭୁକ୍ତ କରାଯାଇଛି।
କଲରିପାୟତ୍ତୁ ହେଉଛି ଏକ ଭାରତୀୟ ସାମରିକ କଳା, ଯାହା ଆଧୁନିକ କେରଳରୁ ଉତ୍ପନ୍ନ ହୋଇଥିଲା ଏବଂ ଏହା ସମଗ୍ର ବିଶ୍ୱରେ ଖେଳାଯାଏ। ସ୍ୱଦେଶୀ ଖେଳ ହେଉଛି ଏକ ପାରମ୍ପାରିକ ଖେଳ ଯେଉଁଥିରେ ଜଣେ ଜିମ୍ନାଷ୍ଟ ଏରିଲ୍ ଯୋଗ ପ୍ରଦର୍ଶନ କରନ୍ତି। ମଧ୍ୟପ୍ରଦେଶ ଏବଂ ମହାରାଷ୍ଟ୍ରରେ ଏହା ବେଶ୍ ଲୋକପ୍ରିୟ।