ମୁମ୍ବାଇ: ବଳିଉଡର ଲୋକପ୍ରିୟ କଳାକାର ଗୋବିନ୍ଦାଙ୍କ ଆଜି (୨୧ ଡିସେମ୍ବର) ୫୭ ତମ ଜନ୍ମଦିବସ । ୮୦/୯୦ ଦଶକରେ ଭଲ ଡ୍ୟାନସର ଭାବେ ନାମ କମାଇଥିବା ଗୋବିନ୍ଦା ସମସ୍ତ ପ୍ରକାର ଅଭିନୟ କରି ଦକ୍ଷତା ପ୍ରତିପାଦିତ କରିଛନ୍ତି । ଗୋବିନ୍ଦାଙ୍କ ବାପା ଅରୁଣ ଆହୁଜା ଓ ମାଆ ନିର୍ମଳା ଦେବୀ ମଧ୍ୟ ଫିଲ୍ମରେ ଅଭିନୟ କରିଛନ୍ତି । ଗୋବିନ୍ଦାଙ୍କ ଜନ୍ମ ବେଳକୁ ଅରୁଣଙ୍କ ଫିଲ୍ମ କ୍ୟାରିୟର ବର୍ବାଦ ହୋଇ ଯାଇଥିଲା । ତାଙ୍କ ବାପା ଘରଦ୍ୱାର ବିକି ରାସ୍ତା ଉପରକୁ ପଳାଇ ଆସିଥିଲେ । ବିରାର ଅଂଚଳର ଏକ ଛୋଟ ଘରେ ତାଙ୍କ ପିଲାଦିନ କଟିଥିଲା । କମର୍ସ ଗ୍ରାଜୁଏଟ ହେବା ପରେ ସେ ଚାକିରି ପାଇଁ ଉଦ୍ୟମ କରି ବିଫଳ ହୋଇଥିଲେ ।
ତାଙ୍କୁ ଯେତେବେଳେ ୨୨ ବର୍ଷ ହୋଇଥିଲା ଇଲଜାମ ଫିଲ୍ମ ମାଧ୍ୟମରେ ବଲିଉଡରେ ପାଦ ଥାପିଥିଲେ । ଏହା ପରେ ସେ ଆଉ ବାଦ ଥାପି ନାହାନ୍ତି । ଡ୍ୟାନସରରୁ କମେଡି କିଙ୍ଗ ଏବଂ ଏବେ ସପୋର୍ଟିଂ କଳାକାର ଭାବେ ଦକ୍ଷତା ପ୍ରତିପାଦିତ କରି ଚାଲିଛନ୍ତି । ଗୋବିନ୍ଦା ତାଙ୍କ କ୍ୟାରିୟରରେ ଇଲଜାମ, ହତ୍ୟା, ହିରୋ ନଂ୧, କୁଲୀ ନଂ୧, ଆଖେଁ ପରି ଅନେକ ସୁପରହିଟ ଫିଲ୍ମ କରିଛନ୍ତି ।
Comments are closed.