ୱଣ୍ଡର ଅଫ ଦି ସିଜର ପ୍ରଥମ ଯାତ୍ରା ପାଇଁ ବୁକିଂ ଆରମ୍ଭ

ନୂଆଦିଲ୍ଲୀ:ବିଶ୍ୱର ସବୁଠାରୁ ବଡ ଜାହାଜ ମାନ୍ୟତା ପାଇଥିବା ୱଣ୍ଡର ଅଫ ଦି ସିଜ ମାର୍ଚ୍ଚ ୨୨ରୁ ଶାଂଘାଇରୁ ପ୍ରଥମ ଯାତ୍ରା ଆରମ୍ଭ କରିବ । ଏଥିପାଇଁ ବୁକିଂ ଆରମ୍ଭ ହୋଇ ସାରିଛି । ରୟାଲ କ୍ୟାରିବିୟାନ ଇଂଟରନ୍ୟାଶନାଲ ଏହାର ପ୍ରଥମ ଫଟୋ ସୋସିଆଲ ସାଇଟରେ ଶେୟାର କରିଛି । ୨ ହଜାରରୁ ଅଧିକ ରୁମ୍ ଥିବା ଏହି ଜାହାଜରେ ୬୯୮୮ ଯାତ୍ରୀ ଯାଇପାରିବେ । ଯାତ୍ରା କରିବା ପାଇଁ ଜଣେ ଯାତ୍ରୀଙ୍କୁ ୩ ଲକ୍ଷ ଟଙ୍କା ଦେବାକୁ ପଡିବ । ସେହିପରି ଫ୍ୟାମିଲି ସୁଟ ପାଇଁ ୨୭.୫ ଲକ୍ଷ ଟଙ୍କା ଦେବାକୁ ପଡିବ । ୯ ରାତି ଓ ୮ ଦିନର ଏହି ଯାତ୍ରାରେ ଟୋକିଓ, ମାଉଂଟ ଫୁଜି, କୁମାମୋଟୋ, କାଗିଶିମା, ଇଶିଗାକି ବନ୍ଦର ଦେଇ ଏହି ମେଗା ଶିପ୍ ଯାତ୍ରା କରିବ । ୧୦ ମହଲା ବିଶିଷ୍ଟ ଏହି ଜାହାଜରେ ୧୮ ଡେକ୍‌, ୨୮୬୭ ଷ୍ଟେଟରୁମସ ରହିଛି । ଏହାର ଲମ୍ବ ୧୧୮୮ ଫୁଟ, ଚଉଡା ୨୧୦ ଫୁଟ ଓ ଓଜନ ୨.୩୭ ଲକ୍ଷ ଟନ । ୱଣ୍ଡର ଅଫ ଦି ଶିପରେ ପୁଲ, ସ୍ପୋର୍ଟ୍ସ ଜୋନ, ଜିମ୍‌, ବାସ୍କେଟବଲ, ମିନି ଗଲ୍ଫ କୋର୍ସ ଓ ଭଲିବଲ କୋର୍ଟ ରହିଛି ।