ବରଗଡ଼: ଦୁଇଟି ବାଇକ୍ ମଧ୍ୟରେ ମୁହାଁମୁହିଁ ଧକ୍କା । ଦୁର୍ଘଟଣାରେ ୨ ଜଣଙ୍କର ଅକାଳ ବିୟୋଗ ହୋଇଥିବା ବେଳେ ଆଉ ୨ ଜଣ ଗୁରୁତର ହୋଇଛନ୍ତି । ବରଗଡ଼ ଜିଲ୍ଲା ପର୍ଥଲା ଛକ ଜାତୀୟ ରାଜପଥରେ ଏହି ମର୍ମନ୍ତୁଦ ସଡ଼କ ଦୁର୍ଘଟଣା ହୋଇଛି । ଆହତମାନଙ୍କୁ ବରଗଡ଼ ଜିଲ୍ଲା ମୁଖ୍ୟ ଚିକିତ୍ସାୟରେ ଭର୍ତ୍ତି କରାଯାଇଛି ।
ଦୁର୍ଘଟଣାରେ ଦୁଇଟି ବାଇକରୁ ଜଣେ ଲେଖାଏ ପ୍ରାଣ ହରାଇଥିବା ସୂଚନା ମିଳିଛି । ମୃତକମାନେ ହେଲେ ସୁବର୍ଣ୍ଣପୁର ଜିଲ୍ଲା ବିନିକା ଥାନା ଅନ୍ତର୍ଗତ ମହଲା ଗାଁରେ ଜ୍ୟୋତିରଞ୍ଜନ ସାହୁ ଓ ବରଗଡ଼ ସହର ତୁରା ଗାଁର ଆଶିଷ ପ୍ରଧାନ । ଦୁଇ ଆହତ ହେଲେ ଧ୍ୟାନଚାନ୍ଦ ଝାଙ୍କର ଓ ସୁନୀଲ ବାଗ ।
ଗତକାଲି ରାତିରେ ମୃତ ଜ୍ୟୋତିରଞ୍ଜନ ଓ ଧ୍ୟାନଚାନ୍ଦ ସୋହେଲା ପଟରୁ ବରଗଡ଼ ଅଭିମୁଖେ ଆସୁଥିଲେ । ଏତିକିବେଳେ ବିପରୀତ ଦିଗରୁ ବାଇକ୍ ଆସି ସେମାନଙ୍କୁ ଧକ୍କା ଦେଇଥିଲା । ଏତେ ଜୋରରେ ଧକ୍କା ହୋଇଥିଲା ଯେ ଘଟଣାସ୍ଥଳରେ ଜ୍ୟୋତିରଞ୍ଜନ ଓ ଆଶିଷଙ୍କ ପ୍ରାଣବାୟୁ ଉଡ଼ିଯାଇଥିଲା ।
Comments are closed.