ନୂଆଦିଲ୍ଲୀ: ଫ୍ରାନ୍ସଠାରୁ ୨୪ଟି ସେକେଣ୍ଡ ହ୍ୟାଣ୍ଡ ମିରାଜ-୨୦୦୦ ଯୁଦ୍ଧ ବିମାନ ଭାରତ କିଣିବା ପାଇଁ ଚୁକ୍ତି କରିଛି । ଭାରତୀୟ ବାୟୁସେନା ଏହାର ଚତୁର୍ଥ ପିଢ଼ୀର ଯୁଦ୍ଧବିମାନ ସ୍କ୍ରାଡନକୁ ମଜଭୁତ କରିବା ପାଇଁ ଏହି ପଦକ୍ଷେପ ଗ୍ରହଣ କରିଛି । ଏଥିପାଇଁ ବାୟୁସେନା ୨୩୩.୬୭ କୋଟି ଟଙ୍କାର ଚୁକ୍ତିନାମା ସ୍ୱାକ୍ଷର କରିଛି । ଗୋଟିଏ ବିମାନର ମୂଲ୍ୟ ୯.୭୩ କୋଟି ରହିଛି ।
ଭାରତୀୟ ବାୟୁସେନା ବ୍ୟତୀତ ଫ୍ରାନ୍ସ, ୟୁଏଇ ଏବଂ ଚୀନ ସେନାରେ ମିରାଜ ଯୁଦ୍ଧ ବିମାନ ସାମିଲ ହୋଇଛି । କାରଗିଲ ଯୁଦ୍ଧରେ ମିରାଜ ଏଲଓସି ଅତିକ୍ରମ ନକରି ପାକିସ୍ତାନରେ ଥିବା ଆତଙ୍କବାଦୀ କ୍ୟାମ୍ପଗୁଡିକ ଧ୍ୱଂସ କରିଥିଲା । ଫ୍ରାନ୍ସ ଏହି ବିମାନଗୁଡିକୁ ହଟାଇ ଏହାର ନୂତନ ଭର୍ସନକୁ ସେନାରେ ସାମିଲ କରୁଛି ।
Comments are closed.