ମୁମ୍ବାଇ: ଫିଲ୍ମ ‘କଳଙ୍କ’ ରିଲିଜ୍ ହେବାପରେ ଚୁଲବୁଲି ଆଲିଆ ତାଙ୍କ ନିଜ ଫୋନରୁ ଟ୍ୱିଟ୍ କରି ଫ୍ୟାନମାନଙ୍କୁ ଧନ୍ୟବାଦ ଜଣାଇ ଲେଖିଥିଲେ – “କଳଙ୍କ ନାହିଁ ତ ଇସ୍କ ନାହିଁ” ।
#Kalank nahi, ishq hai ❤ #KalankTitleTrack out now – https://t.co/0yFsQtVwv4@duttsanjay #AdityaRoyKapur @Varun_dvn @sonakshisinha @MadhuriDixit @abhivarman @ipritamofficial #ArijitSingh @OfficialAMITABH @ZeeMusicCompany
— Alia Bhatt (@aliaa08) March 30, 2019
ବଲିଉଡ଼ର ଅଘୋଷିତ ବେଷ୍ଟ୍ ଆକ୍ଟ୍ରେସ୍ ଆଲିଆ ଭଟ୍ଟ ଏବେ ବହୁତ ଖୁସି । ଏପ୍ରିଲ୍ ୧୭ ତାରିଖରେ ବଡ଼ ପରଦାରେ ଫିଲ୍ମ ‘କଳଙ୍କ’ ରିଲିଜ୍ ହେବା ପରେ ଚୁଲବୁଲି ଆଲିଆଙ୍କ ଆନନ୍ଦ କହିଲେ ନସରେ ।
‘କଳଙ୍କ’ରେ ଆଲିଆଙ୍କ ବିପକ୍ଷ ଆକ୍ଟର୍ ବରୁଣ ଧାୱନ ହୁଅନ୍ତୁ କି ଆକ୍ଟ୍ରେସ୍ ସୋନାକ୍ଷୀ ସିହ୍ନା ସମସ୍ତେ ଖୁସି କିନ୍ତୁ ଆଲିଆ ନୂଆ ଅନ୍ଦାଜରେ ନିଜ ଖୁସି ଜାହିର କରିଛନ୍ତି ।
ଫିଲ୍ମଟିର ସମ୍ପୂର୍ଣ୍ଣ ସୁଟିଂ ସରିବା ପରଠାରୁ ଆଲିଆ ପ୍ରାୟ ସବୁଦିନ ନିଜର ଅଗଣିତ ଫ୍ୟାନମାନଙ୍କ ଲାଗି ଏହି ଫିଲ୍ମ ସମ୍ପର୍କରେ ଟ୍ୱିଟ୍ କରି କିଛି କିଛି ମନ୍ତବ୍ୟ ରଖିଥାଆନ୍ତି । ଏହି ଫିଲ୍ମରେ ସୁନ୍ଦରୀ ଆଲିଆଙ୍କ କରିସ୍ମା ଦେଖିବାକୁ ଅନେକ ଫ୍ୟାନ ଅନେଇ ବସିିଥିଲେ ।
ତେବେ ବୁଧବାର ଦିନ ଫିଲ୍ମଟି ରିଲିଜ୍ ହେବାପରେ ଆଲିଆ ନିଜେ ବରୁଣ ଧାୱନ ଓ ପ୍ରଡ୍ୟୁସର୍ କରଣ ଜୋହରଙ୍କ ସହିତ ଏକ ପାର୍ଟିରେ ମିଶିଥିଲେ ।
ଫିଲ୍ମର ସଫଳ ରିଲିଜ୍ ଲାଗି ତିନିଜଣ ବେଶ୍ ମଜ୍ଜା କରିଥିଲେ ।
ପାର୍ଟିରେ ଯୋଗଦେବାକୁ ଆଲିଆ କିନ୍ତୁ ବରୁଣଙ୍କୁ ଧରି କରଣଙ୍କୁ ଭେଟିବାକୁ ଚାଲିଯାଇଥିଲେ । ଫିଲ୍ମ ରିଲିଜ୍ ହେବା ପରେ ଆଲିଆ ବରୁଣଙ୍କ ସହିତ ରାତିରେ ତାଙ୍କ ଆକ୍ଟିଂ ମେଣ୍ଟର୍ କରଣଙ୍କୁ ବଧାଇ ଦେବାକୁ ଏହି ପାର୍ଟିର ଆୟୋଜନ କରିଥିବା କଥା ବଲିଉଡ଼ରେ ଚର୍ଚ୍ଚା ହେଉଛି ।
ଏବେ ଆଲିଆଙ୍କ ହାତରେ ଆହୁରି ଅନେକ ଫିଲ୍ମ ରହିଛି । ଆଲିଆଙ୍କ ସବୁ ଫିଲ୍ମରେ ତାଙ୍କର ଉଚ୍ଚକୋଟୀର ଅଭିନୟ ସାଙ୍ଗକୁ ନିଜର କ୍ୟୁଟନେସ୍ ଫ୍ୟାନମାନଙ୍କୁ ବେଶ୍ ଆକୃଷ୍ଟ କରିପାରୁଛି । ଆଲିଆଙ୍କ ଦୁଷ୍ଟାମି ହେଉକି ଅଭିନବ ରୋମାଣ୍ଟିକ୍ ଅନ୍ଦାଜରେ ଅଗଣିତ ଫ୍ୟାନ୍ ଫ୍ୟୁଜ୍ ହେବା ସ୍ୱାଭାବିକ । ଏବେ ବାକି ରହିଲା ଆଲିଆଙ୍କ ଅଭିନୀତ ଏହି ମେଗା ଫିଲ୍ମ ‘କଳଙ୍କ’ ବକ୍ସ ଅଫିସରେ କେମିତି ବ୍ୟବସାୟ କରୁଛି ।