ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଦିଲ୍ଲୀ ସଂସଦ ଭବନରେ ସାକ୍ଷାତ କଲେ ସାଂସଦ ଅପରାଜିତା , ଟ୍ୱିଟ କରି ଚର୍ଚ୍ଚାରେ ପକାଇଲେ ପୂର୍ଣ୍ଣଚ୍ଛେଦ

ଭୁବନେଶ୍ୱର : ତିନି ଦିନିଆ ଦିଲ୍ଲୀ ଗସ୍ତରେ ଯାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କରୋନା ସଂକ୍ରମଣ ହ୍ରାସ ପାଇବା ପରେ ମୁଖ୍ୟମନ୍ତ୍ରୀ ଦିଲ୍ଲୀ ଗସ୍ତରେ ଯାଇଛନ୍ତି । ଏହି ସମୟରେ ସଂସଦ ଭବନ ସେଣ୍ଟ୍ରାଲ ହଲରେ ମୁଖ୍ୟମନ୍ତ୍ରୀଙ୍କୁ ପହଁଞ୍ଚିଥିବା ବେଳେ ତାଙ୍କୁ ବେଜେଡି ସାଂସଦଙ୍କ ସହ ଅନ୍ୟାନ୍ୟ ଦଳର ନେତା ଓ ମନ୍ତ୍ରୀ ମାନେ ଭେଟିଥିଲେ ।

ଏହି ସମୟରେ ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ମଧ୍ୟ ପାର୍ଲ୍ୟାମେଣ୍ଟର ସେଣ୍ଟ୍ରାଲ  ହଲରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସାକ୍ଷାତ କରି ଶୁଭେଚ୍ଛା ଓ ନମସ୍କାର ଜଣାଇଥିଲେ । ଏହି ଫଟୋ ବିଭିନ୍ନ ସୋସିଆଲ ମିଡିଆ ସାଇଡରେ ଘୁରି ବୁଲିଥିଲା ।ଅପରାଜିତାଙ୍କୁ ନେଇ ଭିନ୍ନ ଆକଳନ ସହ ରାଜନୀତି ହେଉଥିବା ଚର୍ଚ୍ଚା ପରେ ଟ୍ୱିଟ କରି ଏହି ଚର୍ଚ୍ଚାରେ ପୁର୍ଣ୍ଣଚ୍ଛେଦ ପକାଇଲେ ସାଂସଦ ଅପରାଜିତା ଷଡଙ୍ଗୀ ।

ଲେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ତାଙ୍କ ମଧ୍ୟରେ ରାଜନୈତିକ ଆଦର୍ଶ ଏବଂ ବିଚାରଧାରାରେ ଭିନ୍ନତା ଥାଇପାରେ କିନ୍ତୁ ସୌଜନ୍ୟ ଦୃଷ୍ଟିରୁ ତାଙ୍କୁ ଭେଟି ନମସ୍କାର ଜଣାଇବା ତାଙ୍କ ସଂସ୍କାର ବୋଲି ସ୍ପଷ୍ଟ କରିଛନ୍ତି ସାଂସଦ ଅପରାଜିତା ଷଡଙ୍ଗୀ ।