ମୁମ୍ବାଇ: ବଲିଉଡ ଉଦୀୟମାନ ଅଭିନେତା କାର୍ତିକ ଆର୍ଯ୍ୟନ ଓ କିୟାରା ଆଡଭାନୀ ଅଭିନୀତ ଭୁଲ ଭୂଲେୟା ୨ର ଟିଜର ରିଲିଜ ହୋଇଯାଇଛି । ଏହି ଟିଜରକୁ ଦର୍ଶକ ବେଶ ପସନ୍ଦ କରୁଛନ୍ତି । ଫିଲ୍ମ ୨୦ ମେ ୨୦୨୨ରେ ରିଲିଜ ହେବ ବୋଲି ମେକର୍ସଙ୍କ ପକ୍ଷରୁ ଘୋଷଣା କରାଯାଇଛି । ଏହି କମେଡି ହରର ପ୍ରଥମ ପାର୍ଟ ସୁପରହିଟ ହୋଇଥିଲା । ସେଥିରେ ଅକ୍ଷୟ କୁମାର ମୂଖ୍ୟ ଭୂମିକା କରିଥିଲେ ।
ତେବେ ସେହି ଦିନ ବଲିଉଡ କୁଇନ ଭାବେ ପରିଚିତ କଙ୍ଗନା ରାନାୱତଙ୍କ ଧାକଡ ମଧ୍ୟ ସେହିଦିନ ରିଲିଜ ହେବ । ବକ୍ସ ଅଫିସରେ କଙ୍ଗନା ଏବଂ କାର୍ତିକଙ୍କ ମଧ୍ୟରେ ରୋଚକ ମୁକାବିଲା ଦେଖିବାକୁ ମିଳିବ । କଙ୍ଗନାଙ୍କ ଆକ୍ସନ ଥ୍ରୀଲର ଧାକଡ ଟ୍ରେଲର ମଧ୍ୟ ଦର୍ଶକଙ୍କ ମନ କିଣିବାରେ ସଫଳ ହୋଇଛି । ଦେଖାଯାଉ ଏହି ଲଢ଼େଇରେ କିଏ ବାଜି ମାରୁଛି ।
Comments are closed.