କେବଳ ତୁମପାଇଁ

କେବଳ ତୁମପାଇଁ

କ୍ଷୀରୋଦିନୀ ବେହେରା

ତୁମରି ହସରେ ଦିନେ
ଛାଡି ଆସିଥିଲି
ପରିଚିତ କେଇଗୋଟି ଶବ୍ଦ
ଆଉ ପ୍ରେମ ବୋଲି
ଯାହାସବୁ ସାଉଁଟି ଧରିଲି
ସେ କେବଳ ମୋ ଅସହାୟତା
ଶବ୍ଦକୋଷରେ ତୁନି ହୋଇ ରହିଥିବା
କେଇଧାଡି ନିଦ ।

କ୍ରମଶଃ ଧୀରେଧୀରେ କମି ଆସୁଥିବା
ଆୟୁଷ ସହିତ ଏବେ
ଅତୀତଟା ଲାଗେ ଭାରି ଉଷ୍ମ
ଏବେ କହିବା ଉଚିତ ହେବନି
ତଥାପି କହିରଖେ
ଆବଶ୍ୟକତା ଥିଲା ଯେଣୁ
ତମେ ଶବାଶେଷ ।

ସ୍ମୃତିର କାନଭାସ ତଳେ
ତୁମ ପାଇଁ
ହଁ କେବଳ ତୁମପାଇଁ ପୁଣିଥରେ
ମିଳିଗଲା ମତେ ଜୀବନ୍ୟାସ
କିନ୍ତୁ,
କାଶ୍ମୀର ଘାଟି ପରେ
ଛିଡା ହୋଇଥିବା ସିପାହୀଟେ ପରି
ତୁମ ବନ୍ଧୁକ ମୁନରେ ଏବେ
ଭୁଲୁଣ୍ଠିତ ହୁଏ ମୋର ବାକିତକ ହସ ।

…………
ଅଧ୍ୟାପିକା, ଭୁବନେଶ୍ୱର