ଭଦ୍ରକ: ରାତିରେ ଘରେ ଲାଗିଲା ନିଆଁ । ଜଳିଗଲା ୯ବଖରା ଘର । ଭଦ୍ରକ ଜିଲ୍ଲା ସାହାଡ଼ା ପଞ୍ଚାୟତ ସମିଆ ସାହାଡ଼ା ଗାଁରେ ଗତକାଲି ବିଳମ୍ବିତ ରାତିରେ ଏହି ଅଗ୍ନିକାଣ୍ଡ ହୋଇଛି । ଏଥିରେ ଧାନ, ଚାଉଳ ସମେତ ଲକ୍ଷାଧିକ ଟଙ୍କାର ଆସବାବପତ୍ର ପୋଡ଼ି ପାଉଁଶ ହୋଇ ଯାଇଛି । ରାତିରେ ସମସ୍ତେ ଶୋଇଥିବା ବେଳେ ଘରେ ନିଆଁ ଲାଗିଥିଲା ।
ଚାହୁଁ ଚାହୁଁ ନିଆଁ ଆଁରେ ଚାଲିଗଲା ୪ଟି ପରିବାରର ୯ ବଖରା ଘର । ବର୍ଷ ବର୍ଷର ସାଇତା ସମ୍ପତ୍ତି ଆଖି ଆଗରେ ଜଳି ଛାରଖାର ହୋଇଗଲା । ତେବେ ଏଥିରେ କେହି ମୃତାହତ ହୋଇ ନାହାନ୍ତି । ଘଟଣାସ୍ଥଳରେ ଭଦ୍ରକରୁ ଅଗ୍ନିଶମ ବାହିନୀ ଟମ୍ ପହଞ୍ଚି ନିଆଁକୁ ଆୟତ୍ତ କରିଥିଲେ । ସର୍ଟ ସର୍କିଟରୁ ନିଆଁ ଲାଗିଥିବା କୁହାଯାଉଛି ।
Comments are closed.