ନ୍ୟୁୟର୍କ: ଭଗବାନ ଯାହାକୁ ବଂଚାଇବେ ତାକୁ କିଏ ଅବା ମାରିପାରିବ । ଆମେରିକାରେ ଏ ଭଳି ଏକ ଘଟଣା ଘଟିଛି । ୪ ମାସର ଏକ ନିରୀହ କୁକୁର ଛୁଆକୁ କିଏ ଜଣେ ନୃଶଂସ ମଣିଷ ତୀର ମାରି ଦେଇଥିଲା । ତୀରଟି କୁକୁରର ବେକରେ ପଶି ଆର ପଟକୁ ବାହାରିଥିଲା । ଅସହ୍ୟ ଯନ୍ତ୍ରଣାର ଛଟପଟ ହେଉଥିବା ଏହି କୁକୁରର ବିକଳ ଶବ୍ଦ ଜଣେ ମହିଳା ଶୁଣିଥିଲେ । ସେ ସଙ୍ଗେ ସଙ୍ଗେ ପୋଲିସଙ୍କୁ ଏ ସମ୍ପର୍କରେ ଖବର ଦେଇଥିଲେ । ପୋଲିସକୁ କୁକୁରଟିକୁ ଉଦ୍ଧାର କରି ପଶୁ ଚିକିତ୍ସାଳୟକୁ ପଠାଇଥିଲେ । ସେଠାରେ ଡାକ୍ତରମାନଙ୍କ ଅକ୍ଳାନ୍ତ ଉଦ୍ୟମ ପରେ କୁକୁର ଛୁଆକୁ ବଂଚାଇବା ସମ୍ଭବପର ହୋଇ ନ ଥିଲା ।
ଆଉ କିଛି ଦିନ ଡାକ୍ତରଖାନାରେ ରହିବା ପରେ ସେ ସମ୍ପୂର୍ଣ୍ଣ ସୁସ୍ଥ ହୋଇଟିବ ବୋଲି ଡାକ୍ତରଜଣକ କହିଛନ୍ତି । ଏହି ଘଟଣା ପରେ କିଏ ସେ ଏ ଭଳି ନୃଶଂସ କାର୍ଯ୍ୟ କରିଥିଲା ତାକୁ ପୋଲିସ ଖୋଜୁଛି । ସ୍ଥାନୀୟ ବାସିନ୍ଦାମାନେ ମଧ୍ୟ ଏ ନେଇ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି । କୁକୁର ଛୁଆକୁ ଉଦ୍ଧାର କଲା ବେଳେ ସେ ବଂଚିବ ବୋଲି ଆଶା ନ ଥିଲା । ଏବେ ସେ ସୁସ୍ଥ ଥିବାରୁ ଆମେ ଖୁସି ବୋଲି ପୋଲିସ ଅଧିକାରୀଜଣକ କହିଛନ୍ତି ।
Comments are closed.