ନିଖୋଜ ବିମାନର ମିଳିଲା ପତ୍ତା :ନେପାଳ ମୁସ୍ତାଙ୍ଗ ଜିଲ୍ଲା କୋଆଙ୍ଗ ଅଞ୍ଚଳରେ ବିମାନର ଭଗ୍ନାବଶେଷ

କାଠମାଣ୍ଡୁ: ନେପାଳରେ ନିଖୋଜ ବିମାନର ଧ୍ବଂସାବଶେଷ ଠାବ ନେଇ ନେପାଳ ଆର୍ମିର ସୂଚନା । ବିମାନର ଧ୍ବଂସାବଶେଷ କୋଓ୍ବାଙ୍ଗରେ ସନ୍ଧାନ ମିଳିଥିବା କୁହାଯାଇଛି । ନେପାଳରେ ମଝି ଆକାଶରେ ନିଖୋଜ ହୋଇଯାଇଥିଲା ବିମାନ । ଏହି ଦୁର୍ଘଟଣାଗ୍ରସ୍ତ ବିମାନରେ ଥିଲେ ଓଡିଆ ପରିବାର । ଏହି ପରିବାରର ଘର ଭୁବନେଶ୍ୱର ଜୟଦେବ ବିହାର ଅଞ୍ଚଳରେ । ଏହି ଚାରି ଓଡିଆ ହେଲେ ଅଶୋକ କୁମାର ତ୍ରିପାଠୀ, ପତ୍ନୀ ରିତିକା ତ୍ରିପାଠୀ, ପୁଅ ଧନୁଷ ତ୍ରିପାଠୀ ଏବଂ ଝିଅ ବୈଭବୀ ତ୍ରିପାଠୀ ।

ନେପାଳର ‘ପୋଖରା’ ନାମକ ଏକ ପର୍ଯ୍ୟଟନସ୍ଥଳ ବୁଲିବାକୁ ଯିବାବେଳେ ଆକାଶରେ ନିଖୋଜ ହୋଇଯାଇଥିଲା  । ତେବେ ମୋଟ୍ ୨୨ ଜଣଙ୍କୁ ନେଇ ଯାଉଥିଲା ଏହି ବିମାନ । ଶେଷ ଖବର ସୁଦ୍ଧା ବିମାନର ଭଗ୍ନାବଶେଷ ମୁସ୍ତାଙ୍ଗ ଅଞ୍ଚଳରେ ମିଳିଛି ।

ନେପାଳ ଆର୍ମିର ମୁଖପାତ୍ର କହିଛନ୍ତି, ନିଖୋଜ ବିମାନଟି ଏକ ନଦୀ ପାଖରେ ଦୁର୍ଘଟଣାର ଶିକାର ହୋଇଛି । ମିଳିଥିବା ଶେଷ ଖବର ଅନୁସାରେ, ବର୍ତ୍ତମାନ ଉଦ୍ଧାର କାମ ବନ୍ଦ ରହିଛି, କାରଣ ସେଠାରୁ ବରଫପାତର ଖବର ଆସୁଛି । ଏହି ବିମାନଟି ଆଜି ଆଜି ଭୋର ୪ଟା ୨୨ରେ ପୋଖରାରୁ ଉଡାଣ ଭରିଥିଲା ।

ଅନ୍ୟପଟେ ଏହି ୪୩ ବର୍ଷର ଘରୋଇ ପୁରୁଣା ବିମାନ । ମୋଟ୍ ୨୨ ଜଣଙ୍କୁ ନେଇ ଯାଉଥିଲା ଏହି ବିମାନ । ଯେଉଁଥିରେ ଚାରି ଓଡିଆଙ୍କ ସମେତ ଦୁଇ ଜଣ ଜର୍ମାନୀର, ୧୩ ଜଣ ନେପାଳର ନାଗରିକ ଥିଲେ ବୋଲି ଜଣାପଡିଛି ।