ରାଜ୍ୟଗୋଷ୍ଠୀ କ୍ରୀଡା: ଭାରତ ପାଇଁ ୨ୟ ସ୍ୱର୍ଣ୍ଣ ଜିତିଲେ ଜେରେମୀ

ବର୍ମିଂହାମ: ରାଜ୍ୟଗୋଷ୍ଠୀ କ୍ରୀଡାରେ ଭାରତର ୱେଟଲିଫ୍ଟରମାନେ ଚମତ୍କାର ପ୍ରଦର୍ଶନ ଜାରୀ ରଖିଛନ୍ତି । ପୁରୁଷ ୬୭ କିଗ୍ରା ବିଭାଗରେ ଜେରେମୀ ଲାଲରିନୁଙ୍ଗା ଭାରତ ପାଇଁ ଦ୍ୱିତୀୟ ସ୍ୱର୍ଣ୍ଣ ପଦକ ଜିତିଛନ୍ତି । ପ୍ରତିଯୋଗିତା ଅବସରରେ ସେ ଆଘାତପ୍ରାପ୍ତ ହୋଇଥିଲେ ମଧ୍ୟ ହାର ନ ମାନି ଦେଶ ପାଇଁ ଗୌରବ ଆଣିଛନ୍ତି । ଭାରତର ପଦକ ସଂଖ୍ୟା ଏଥିସହ ୫ରେ ପଂହଚିଛି । ସେ ସ୍ନାଚରେ ୧୪୦ ଓ କ୍ଲିନ ଆଣ୍ଡ ଜର୍କରେ ୧୬୦ କେଜି ସହ ଓଭରାଲ ୩୦୦ କେଜି ଭାର ଉଠାଇଥିଲେ । ସମୋଆର ବାଇବାପା ଆଇଓନେ ୨୯୩ କେଜି ଭାର ଉଠାଇ ରୌପ୍ୟ ପଦକ ହାସଲ କରିଛନ୍ତି ।

Jeremy's Games Record Lift at @birminghamcg22 🔥@raltejeremy set the GR in Men's 67kg Snatch event with the best lift of 140kg & winning a GOLD🥇 on his debut at the #CommonwealthGames 💪💪

Way to go!!! #Cheer4India🇮🇳#India4CWG2022@PMOIndia @ianuragthakur @NisithPramanik pic.twitter.com/nryNlOj30N

— SAI Media (@Media_SAI) July 31, 2022

ଜେରେମୀ ୨୦୧୮ ୟୁଥ ଅଲିମ୍ପିକ୍ସରେ ଓ ୨୦୨୧ ରାଜ୍ୟଗୋଷ୍ଠୀ କ୍ରୀଡାରେ ମଧ୍ୟ ସ୍ୱର୍ଣ୍ଣ ପଦକ ହାସଲ କରିଥିଲେ । ଗତ କାଲି ଅଲିମ୍ପିକ ପଦକ ବିଜେତା ମୀରାବାଇ ଚାନୁ ଭାରତ ପାଇଁ ପ୍ରଥମ ସ୍ୱର୍ଣ୍ଣ ପଦକ ଜିତିଥିଲେ । ୱେଟଲିଫ୍ଟିଂରେ ଭାରତର ପ୍ରଦର୍ଶନ ଭଲ ରହିଥିବାରୁ ଏହା ଅନ୍ୟ ବିଭାଗର ପ୍ରତିଯୋଗୀଙ୍କ ମନୋବଳ ବଢ଼ାଇବ ବୋଲି ଆଶା କରାଯାଉଛି ।