କଟକ: ଓସିଏ ସଭାପତି ହେବେ ବିଜେଡି ନେତା ପ୍ରଣବ ପ୍ରକାଶ ଦାସ । ତାଙ୍କ ବିରୋଧରେ କେହି ନାମାଙ୍କନ ପତ୍ର ଦାଖଲ କରିନଥିବାରୁ ଓଡ଼ିଶା କ୍ରିକେଟ ଆସୋସିଏସନର ସଭାପତି ହେବାକୁ ଯାଉଛନ୍ତି ପ୍ରଣବ ପ୍ରକାଶ ଦାସ । ଏକମାତ୍ର ପ୍ରାର୍ଥୀ ଭାବେ ସେ ନାମାଙ୍କନ ପତ୍ର ଦାଖଲ କରିବା ପାଇଁ ପୂର୍ବରୁ ନିଷ୍ପତ୍ତି ହୋଇଥିବାରୁ ପ୍ରଣବ ପ୍ରକାଶ ଦାସ ନିର୍ଦ୍ୱନ୍ଦରେ ନିର୍ବାଚିତ ହେବେ । ଏହା କେବଳ ଘୋଷଣା ହେବାକୁ ବାକି ଅଛି । ତେବେ ସଭାପତି ଆସନରେ ଅଳଙ୍କୃତ ହେବାକୁ ଯାଉଥିବାରୁ ଚାରିଆଡୁ ପ୍ରଣବ ପ୍ରକାଶ ଦାସଙ୍କୁ ଶୁଭେଚ୍ଛାର ଶୂଅ ଛୁଟିଛି ।
ନାମାଙ୍କନ ପତ୍ର ଆଜି ସରିବା ପରେ ସଭାପତି ଭାବେ ପ୍ରଣବ ପ୍ରକାଶ ଦାସ , ସାଧାରଣ ସଂପାଦକ ହେଲେ ସଂଜୟ ବେହେରା, ଉପସଭାପତି ପଙ୍କଜ ଲୋଚନ ମହାନ୍ତି, କୋଷାଧ୍ୟକ୍ଷ ବିକାଶ ପ୍ରଧାନ ଜଣେ ଲେଖାଏଁ ପ୍ରାର୍ଥୀ ଥିବାରୁ ସମସ୍ତେ ନିର୍ଦ୍ୱନ୍ଦ୍ୱରେ ନିର୍ବାଚିତ ହେବେ।
ଏହି ଅବସରରେ ପ୍ରଣବ ପ୍ରକାଶ ପ୍ରତିକ୍ରିୟା ପ୍ରକାଶ କରି କହିଛନ୍ତି ନିର୍ଦ୍ୱନ୍ଦରେ ସଭାପତି ନିର୍ବାଚିତ ହେବାକୁ ଯାଉଥିବାରୁ ପ୍ୟାନଲର ସମସ୍ତ କର୍ମକର୍ତ୍ତା ଏବଂ ଓସିଏ ମେମ୍ବରକୁ ଧନ୍ୟବାଦ । ଆଗାମୀ ଦିନରେ ରାଜ୍ୟରେ କ୍ରିକେଟର ବିକାଶ ହେବ ବୋଲି କହିଛନ୍ତି ନିବନିର୍ବାଚିତ ଓସିଏ ସଭାପତି ଏହା ସହ ସେ ନିର୍ବାଚିତ ହୋଇଥିବାରୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି । କୈାଣସି ପଦରେ ଏକାଧିକ ପ୍ରାର୍ଥୀ ନଥିବାରୁ ନିର୍ବାଚନ ହେବାର ସଂଭାବନା ନଥିବା ଜଣାପଡିଛି ।
Comments are closed.