ଓଡ଼ିଶା ସମ୍ବାଦ ବ୍ୟୁରୋ: ଦିପାବଳୀ ଅବସରରେ ମୁକ୍ତିଲାଭ କରିଥିବା ଅଜୟ ଦେବଗନ ଏବଂ ସିଦ୍ଧାର୍ଥ ମଲହୋତ୍ରା ଅଭିନୀତ ‘ଥ୍ୟାଙ୍କ ଗଡ୍’ ବକ୍ସ ଅଫିସରେ କିଛି ବିଶେଷ ପ୍ରଦର୍ଶନ କରିପାରି ନାହାଁନ୍ତି। ନିର୍ଦ୍ଦେଶକ ଇନ୍ଦ୍ର କୁମାର ୭୦ କୋଟି ଟଙ୍କର ବଜେଟରେ ଏହି ଚଳଚ୍ଚିତ୍ର ନିର୍ମାଣ କରିଥିଲେ। ଫିଲ୍ମ ରିଲିଜ ହେବାର ତିନି ଦିନ ବିତିଗଲାଣି। ହେଲେ ଏହାର ତୃତୀୟ ଦିନରେ ପ୍ରାୟ ୪ କୋଟି ଟଙ୍କା ଆୟ କରିଛି। ଏହି ଆକଳନ ନିର୍ମାତାମାନ ଏବଂ ଷ୍ଟାର କାଷ୍ଟଙ୍କୁ ନିରାଶ କରିଛି।
ଚଳଚ୍ଚିତ୍ର ନିର୍ମାତାମାନେ ଆଶା କରୁଛନ୍ତି ଯେ ଏହି ସପ୍ତାହ ଶେଷ ସୁଦ୍ଧା, ଆୟ ସଂଖ୍ୟାରେ ବୃଦ୍ଧି ଘଟିପାରେ। କିନ୍ତୁ ସପ୍ତାହ ଶେଷରେ ଫିଲ୍ମଟି ଭଲ ପ୍ରତିକ୍ରିୟା ପାଇଲେ ମଧ୍ୟ ନିର୍ମାତାଙ୍କ ପାଇଁ ଫିଲ୍ମର ବଜେଟରେ ପହଞ୍ଚିବା ବହୁତ କଷ୍ଟକର। ଯେଉଁଥିପାଇଁ ବର୍ତ୍ତମାନ ନିର୍ମାତାମାନେ ଯଥାଶୀଘ୍ର OTT ରେ ଏହି ଫିଲ୍ମକୁ ଆଣୁଛନ୍ତି। ଯାହାଫଳରେ ଫିଲ୍ମକୁ ଅଧିକ କ୍ଷତିର ସମ୍ମୁଖୀନ ହେବାକୁ ପଡିବ ନାହିଁ। ନିର୍ମାତାମାନେ OTT ରେ ‘ଥ୍ୟାଙ୍କ ଗଡ୍’ ଆଣିବା ପାଇଁ ସମସ୍ତ ପ୍ରସ୍ତୁତି କରିଛନ୍ତି।
କୁହାଯାଉଛି ଯେ ନିର୍ମାତାମାନଙ୍କର ଏହି ଯୋଜନା ସଠିକ୍ ହେବ। କାରଣ ଦର୍ଶକମାନେ ଆଜିର ଯୁଗରେ ଘରେ ବସି OTT ରେ ଚଳଚ୍ଚିତ୍ର ଦେଖନ୍ତି। ଏଭଳି ପରିସ୍ଥିତିରେ ବର୍ତ୍ତମାନ ପ୍ରଶଂସକମାନେ ନଭେମ୍ବର ମାସରେ ନିଜ ଫୋନରେ ଏହି ଫିଲ୍ମ ଦେଖିପାରିବେ। ମିଳିଥିବା ସୂଚନା ଅନୁଯାୟୀ, ନଭେମ୍ବରର ଦ୍ୱିତୀୟ ସପ୍ତାହରେ ‘ଥ୍ୟାଙ୍କ ଗଡ୍’ ପ୍ରେକ୍ଷାଳୟରୁ ହଟାଇ ଦିଆଯିବ। ଯାହା ପରେ ଆପଣ ଆମାଜନ ପ୍ରାଇମରେ ଏହି ଫିଲ୍ମ ଦେଖିପାରିବେ। ଏଥି ସହିତ ନିର୍ମାତାମାନେ ନଭେମ୍ବର ୨୨ ସୁଦ୍ଧା ଆମାଜନ ପ୍ରାଇମରେ ଏହି ଫିଲ୍ମ ରିଲିଜ କରିବେ ବୋଲି ମଧ୍ୟ ଅନୁମାନ କରାଯାଉଛି।
ଫିଲ୍ମ ‘ଥ୍ୟାଙ୍କ ଗଡ୍’ ରିଲିଜ୍ ପୂର୍ବରୁ ମଧ୍ୟ ବିବାଦରେ ଛନ୍ଦି ହୋଇଯାଇଥିଲା। ଫିଲ୍ମ ବିରୋଧରେ ମଧ୍ୟ ତୀବ୍ର ବିରୋଧ କରାଯାଇଥିଲା। କେବଳ ଏତିକି ନୁହେଁ କୋର୍ଟରେ ‘ଥ୍ୟାଙ୍କ ଗଡ୍’ ବିରୋଧରେ ଅଭିଯୋଗ ମଧ୍ୟ କରାଯାଇଛି। ଯାହାର ନିଷ୍ପତ୍ତି ଏପର୍ଯ୍ୟନ୍ତ ଆସି ନାହିଁ। ଫିଲ୍ମରେ ଅଜୟଙ୍କ ଚରିତ୍ର ଉପରେ ଅନେକ ପ୍ରଶ୍ନ ଉଠିଥିଲା । ଯାହା ପରେ ନିର୍ମାତାମାନେ ରିଲିଜ୍ ପୂର୍ବରୁ ମଧ୍ୟ ଫିଲ୍ମ ‘ଥ୍ୟାଙ୍କ ଗଡ୍’ ରେ ତିନୋଟି ପରିବର୍ତ୍ତନ କରିଥିଲେ।
Comments are closed.