ନୂଆଦିଲ୍ଲୀ: ଗୁଡ ଏପରି ଏକ ଜିନିଷ, ଯାହା ପ୍ରାୟ ସମସ୍ତେ ଖାଇଥା’ନ୍ତି। ଶୀତ ଋତୁରେ ଏହାର ବ୍ୟବହାର ଅଧିକ ଥାଏ। ଏବଂ ଏହା ନିଶ୍ଚିତ ଭାବରେ ସମସ୍ତ ଘରେ ବ୍ୟବହାର ହୋଇଥାଏ। ବଜାରରେ ଅନେକ ପ୍ରକାରର ଗୁଡ ବିକ୍ରି ହେଉଛି, କିନ୍ତୁ ବଜାରରେ ଯେତେବେଳେ ନକଲି ଖାଦ୍ୟ ସାମଗ୍ରୀ ବିକ୍ରି ହେଉଥିବାର ନଜିର ରହିଛି ସେତେବେଳେ ଯେଉଁ ଗୁଡକୁ ଆପଣ ବଜାରରୁ କିଣୁଛନ୍ତି ଆମ ସ୍ୱାସ୍ଥ୍ୟ ପାଇଁ କେତେ ଲାଭଦାୟକ କିମ୍ବା କ୍ଷତିକାରକ ଜାଣିଛନ୍ତି। ଏହାକୁ ଖାଇବା ଦ୍ୱାରା ଆପଣଙ୍କ ଶରୀର ପାଇଁ ଅନେକ କ୍ଷତି ହୋଇପାରେ।
ଉଲ୍ଲେଖଯୋଗ୍ୟ, କ୍ୟାଲସିୟମ୍ କାର୍ବୋନେଟ୍ ଏବଂ ସୋଡିୟମ୍ ବାଇକାର୍ବୋନେଟ୍ ଗୁଡରେ ମିଶାଯାଇ ଜାଲ କରିଦିଆଯାଏ। ଯାହା ସ୍ବାସ୍ଥ୍ୟ ପାଇଁ କ୍ଷତିକାରକ। ଗୁଡର ଓଜନ ବଢାଇବା ପାଇଁ କ୍ୟାଲସିୟମ୍ କାର୍ବୋନେଟ୍ ମିଶା ଯାଇଥାଏ, ଯେତେବେଳେ ସୋଡିୟମ୍ ବାଇକାର୍ବୋନେଟ୍ ଏହାକୁ ରଙ୍ଗ ଦେବା ପାଇଁ ବ୍ୟବହୃତ ହୁଏ। ଏଭଳି ପରିସ୍ଥିତିରେ, ଏହା ଗୁରୁତ୍ୱପୂର୍ଣ୍ଣ ଯେ ଆମେ କିଭଳି ପ୍ରକୃତ ଏବଂ ନକଲି ଗୁଡକୁ ଚିହ୍ନଟ କରିପାରିବା।
କେମିତି ଜାଣିବେ ସଠିକ୍ ଗୁଡ କେଉଁଟା ?
ସର୍ବଦା ଅଧିକ ବାଦାମୀ ଗୁଣ୍ଡ କିଣନ୍ତୁ। ହଳଦିଆ କିମ୍ବା ହାଲୁକା ବାଦାମୀ ଗୁଡ କିଣନ୍ତୁ ନାହିଁ। କାରଣ ଏହା ନକଲି। ଆଖୁ ରସରେ କିଛି ଅପରିଷ୍କାର କିମ୍ବା କେମିକାଲ ଲାଗିବା ପରେ ଏହାର ରଙ୍ଗ ଗାଢ଼ ଲାଲ କିମ୍ବା ବାଦାମୀ ହୋଇଯାଏ। ଏହାପରେ, ଏଥିରେ କିଛି କେମିକାଲ ମିଶାଯାଇ ପରିସ୍କାର କରାଯାଏ।
ଧଳା, ହାଲୁକା ହଳଦିଆ କିମ୍ବା କିଛି ନାଲି ରଙ୍ଗର ଗୁଡ ବଜାରରେ ଆପଣ ନକଲି ବୋଲି ପାଇବେ। ଯଦି ଏହାକୁ ପାଣିରେ ରଖିବେ ତାହେଲେ ରଙ୍ଗ ଗୁଡିକ ପାତ୍ରର ତଳେ ବସିଯିବ। ଆଉ ଶୁଦ୍ଧ ଗୁଡ ପାଣିରେ ସଂପୂର୍ଣ୍ଣ ମିଶିଯିବ।
ସବୁବେଳେ ଟାଣ ଥିବା ଗୁଡ କିଣିବା ପସନ୍ଦ କରନ୍ତୁ। ଟାଣ ଗୁଡର ଅର୍ଥ ଆଖୁ ରସକୁ ଫୁଟାଇବା ସମୟରେ କୌଣସି ପ୍ରକାର ରଙ୍ଗମିଶାାଇ ନାହିଁ।
