ଭୁବନେଶ୍ୱର: ବିଜେବି କଲେଜ ଯୁକ୍ତ ୨ ଛାତ୍ରଙ୍କୁ ମାଡ ମାରିବା ଘଟଣାରେ ପୋଲିସ ୪ ଛାତ୍ରଙ୍କୁ ଗିରଫ କରିଛି। ଏହାପରେ କଲେଜ କର୍ତ୍ତୃପକ୍ଷ ସଂପୃକ୍ତ ୪ ଛାତ୍ରଙ୍କୁ ନିଲମ୍ବିତ କରିଛନ୍ତି। ନିଲମ୍ବିତ ଛାତ୍ର ହେଲେ ପ୍ରିୟରଂଜନ ଭୋଇ, ସୂର୍ଯ୍ୟକାନ୍ତ ସେଠୀ, ଚିନ୍ମୟ ବେହେରା ଓ ବିକାଶ କୁମାର ଦାସ। ଏ ନେଇ କଲେଜ ପରିସରରେ ଏକ ନୋଟିସ ଲଗାଯାଇଛି। କଲେଜ ଲଗାଇଥିବା ନୋଟିସରେ ସଂପୃକ୍ତ ଛାତ୍ରଙ୍କ ରୋଲନମ୍ବର ଉଲ୍ଲେଖ ରହିଛି।
ତେବେ ପୋଲିସ ଏହି ୪ ଛାତ୍ରଙ୍କୁ ପୂର୍ବରୁ ଗିରଫ କରିସାରିଥିଲା। ଗିରଫ ୪ ଜଣଙ୍କ ମଧ୍ୟରେ ୩ ଜଣ ନାବାଳକ ଓ ଜଣେ ସାବାଳକ ରହଛି। ୩ ନାବାଳକଙ୍କୁ ଜୁଭେନାଇଲ ଜଷ୍ଟିସ ବୋର୍ଡକୁ ପଠାଯାଯାଇଛି। ସେହିପରି ଏହି ୪ ଛାତ୍ରଙ୍କୁ କଲେଜ ପ୍ରବେଶ ଉପରେ ମଧ୍ୟରେ କଟକଣା ରହିଛି।
ଉଲ୍ଲେଖଯୋଗ୍ୟ, ପ୍ରେମ ସମ୍ପର୍କକୁ ନେଇ ଏହି ମାଡ ଘଟଣା ହୋଇଥିଲା। ବୁଧବାର ହୋଇଥିବା ଏହି ଗଣ୍ଡଗୋଳର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା।
Comments are closed.