ଚେନ୍ନାଇ: କ୍ଷୀରରେ ପାଣି ମିଶିଥିଲେ ଜଣାପଡ଼େ। ହେଲେ କେତେ ପରିମାଣରେ ମିଶିଛି ତାହା ଅନୁମାନେ କରଯାଏ କିନ୍ତୁ ସଠିକ ଭାଗମାପ କହି ହୁଏ ନାହିଁ। ଏବେ ଏହି ସମସ୍ୟାର ସମାଧାନ ହୋଇଛି। ଚେନ୍ନାଇ ସ୍ଥିତି ମାଡ୍ରାସ ଆଇଆଇଟିର ଗବେଷକମାନେ ଏହି ସମସ୍ୟାର ସମାଧାନ କରିଛନ୍ତି। ଏକ କାଗଜ ଆଧାରିତ ଥ୍ରୀ D ପୋର୍ଟେବଲ୍ ଉପକରଣ ପ୍ରସ୍ତୁତ ହୋଇଛି। ଏହି ଟେକ୍ନୋଲୋଜିର ସାହାଯ୍ୟରେ, ୩୦ ସେକେଣ୍ଡ ମଧ୍ୟରେ କ୍ଷୀରରେ କେତେ ପାଣି ମିଶିଛି ଜଣାପଡ଼ିବ ବୋଲି ଦାବି ହୋଇଛି। ଏକ ବିଜ୍ଞାନ ପତ୍ରିକାରେ ଏହା ପ୍ରକାଶ ପାଇଛି।
ଏହି ଟେକ୍ନୋଲୋଜି ଏତେ ସରଳ ଯେ ଘରେ ବସିଥିବା ଯେକୌଣସି ବ୍ୟକ୍ତି ସହଜରେ କ୍ଷୀରର ଶୁଦ୍ଧତା ଜାଣିପାରିବେ। କ୍ଷୀରରେ ସାଧାରଣତଃ ୟୁରିଆ, ଡିଟରଜେଣ୍ଟ, ସାବୁନ୍, ହାଇଡ୍ରୋଜେନ୍ ପେରକ୍ସାଇଡ୍ ଇତ୍ୟାଦି ମିଶାଇ ଡୁପ୍ଲିକେଟ କରାଯାଉଥିବା ଅଭିଯୋଗ ରହିଛି। କିନ୍ତୁ ଏହି ଡିଭାଇସ୍ ସାହାଯ୍ୟରେ ଶୁଦ୍ଧତା ପରୀକ୍ଷା ସହଜ ହୋଇଯିବ ବୋଲି ଦାବି ହୋଇଛି। କେବଳ କ୍ଷୀର ନୁହେଁ ଜୁସ, ମିଲ୍ସ ସେକ ଭଳି ପାନୀୟ ସାମଗ୍ରୀର ପରୀକ୍ଷା ହୋଇପାରିବ।
ଆଇଆଇଟି ମାଡ୍ରାସର ମେକାନିକାଲ୍ ଇଞ୍ଜିନିୟର ପଲ୍ଲବ ସିହ୍ନା ମହାପାତ୍ର କହିଛନ୍ତି ଯେ ମାଇକ୍ରୋଫ୍ଲଏଡିକ୍ ଡିଭାଇସ୍ ତିନୋଟି ସ୍ତରରେ ଅଛି। ଏହି ଦୁଇଟି ସ୍ତର ମଧ୍ୟରେ ଏକ ମଧ୍ୟମ ସ୍ତର ଅଛି ଯାହା ଏକ ସାଣ୍ଡୱିଚ୍ ପରି ଦେଖାଯାଉଛି। ସେ କହିଛନ୍ତି ଯେ ଏହି ସ୍ତର ଶୁଦ୍ଧତାକୁ ସହଜରେ ଚିହ୍ନଟ କରିଥାଏ। ସେ କହିଛନ୍ତି ଯେ ଏହି ଟେକ୍ନୋଲୋଜି ସାହାଯ୍ୟରେ କ୍ଷୀରରେ ମିଶିଥିବା ଦ୍ରବ୍ୟକୁ ସହଜରେ ଚିହ୍ନଟ କରିପାରିବ। ଏବେ ବିଶୁଦ୍ଧତା ଜାଣିବାକୁ ବ୍ୟବହାର କରାଯାଉଥିବା ଟେକ୍ନୋଲୋଜି ବହୁତ ମହଙ୍ଗା ଥିଲା। ହେଲେ ଏବେ ଏହି ଥ୍ରୀଡି ପୋର୍ଟାଲ ଉପକରଣ ଆସିବା ପରେ ଲୋକଙ୍କୁ ଲ୍ୟାବକୁ ଯିବାକୁ ପଡିବ ନାହିଁ। ସେମାନେ ଘରେ ବସି ସହଜରେ ପରୀକ୍ଷା କରିପାରିବେ।
ସେ ଆହୁରି ମଧ୍ୟ କହିଛନ୍ତି ଯେ ବିକାଶଶୀଳ ଦେଶମାନଙ୍କରେ ପାଣିରେ ଅପ ମିଶ୍ରଣ ଏକ ବଡ ସମସ୍ୟା, ଯେଉଁଥିପାଇଁ ଲୋକେ ଏବେ କିଡନୀ ରୋଗର ଶିକାର ହେଉଛନ୍ତି। ଅପମିଶ୍ରିତ କ୍ଷୀର ଯୋଗୁଁ ପିଲାମାନଙ୍କର ମୃତ୍ୟୁ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି। ଯାହା କ୍ୟାନସର ଭଳି ରୋଗକୁ ବଢାଉଛି।
Comments are closed.