ମୁମ୍ବାଇ: ‘ଇଶ୍କ କା ରଙ୍ଗ ସଫେଦ୍’, ‘ଇଛାପ୍ୟାରୀ ନାଗିନ୍’, ‘ବିଶ୍ୱ’ ଆଦି ଧାରାବାହିକରେ ଅଭିନୟ କରି ଘରେ ଘରେ ଲୋକପ୍ରିୟ ହୋଇଥିବା ଅଭିନେତ୍ରୀ ସ୍ନେହାଲ ରାୟ ମାତ୍ର ଦୁଇ ମାସ ମଧ୍ୟରେ୧୫ କିଲୋ ହ୍ରାସ କରିଛନ୍ତି । ଏହି ସୂଚନା ଦେବା ସହ ସ୍ନେହାଲ ନିଜେ ଫିଟନେସ ବିଷୟରେ କହିଛନ୍ତି । ପ୍ରଶଂସକମାନଙ୍କ ସହିତ ସୁସ୍ଥ ଜୀବନଶୈଳୀ ଟିପ୍ସ ମଧ୍ୟ ସେୟାର କରିଛନ୍ତି । ସ୍ନେହାଲ କହିଛନ୍ତି ଯେ, ମୁଁ ମୋର ଶରୀରକୁ ମୋର ମନ୍ଦିର ବୋଲି ମନେ କରେ ।
ସ୍ନେହାଲ ଆହୁରି କହିଛନ୍ତି ଯେ, ଅତ୍ୟଧିକ ଖାଇବା ଏକ ନିଶା ଯାହା ଧୂମପାନ କିମ୍ବା ମଦ୍ୟପାନ ପରି ବିପଜ୍ଜନକ ହୋଇପାରେ । ଏହି ଅସ୍ୱାସ୍ଥ୍ୟକର ଅଭ୍ୟାସ ଗମ୍ଭୀର ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିପାରେ । ତେଣୁ ଆମେ ଯାହା ଖାଉଛେ ସେଥିପ୍ରତି ଧ୍ୟାନ ଦେବା ଜରୁରୀ । ସୁନ୍ଦର ହେବା ଅର୍ଥ ଫିଟ୍ ଏବଂ ସୁସ୍ଥ ରହିବା । ଶରୀରର ଯତ୍ନ ନେବା ଏକ ପୂଜାପାଠ ପରି ସମାନ । ମୋର ନିଷ୍ଠା ଏବଂ ଆତ୍ମ ବିଶ୍ୱାସ ମୋତେ ଚ୍ୟାଲେଞ୍ଜଗୁଡିକୁ ଦୂର କରିବାରେ ସାହାଯ୍ୟ କରିଛି । ଯାହା ୨ ମାସରେ ୧୫ କିଲୋଗ୍ରାମ ହ୍ରାସ କରିବାର ଲକ୍ଷ୍ୟ ଉପରେ ଧ୍ୟାନ ରଖିବାରେ ସାହାଯ୍ୟ କରିଛି । ନିଜ ସ୍ୱାସ୍ଥ୍ୟ ପାଇଁ ବିଶେଷ ସମୟ ବାହାର କରି ନିୟମିତ ବ୍ୟାୟାମ କରୁଛନ୍ତି । ସେ ଶରୀରର ବିଶେଷ ଯତ୍ନ ନେବା ସହ ଜଙ୍କ ଫୁଡକୁ ଅଣଦେଖା କରିଛନ୍ତି ।
Comments are closed.