ମୁମ୍ବାଇ: ବାବା ସିଦ୍ଦିକିଙ୍କ ଇଫତାର ପାର୍ଟିରେ ବଲିଉଡର ଅନେକ ସେଲିବ୍ରିଟି ଯୋଗ ଦେଇଥିଲେ । ଏହି ପାର୍ଟିର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେଉଛି,ଯେଉଁଥିରେ ଅଭିନେତ୍ରୀ ଶାହନାଜ ଗିଲଙ୍କୁ ଅଭିନେତ୍ରୀ ରଶ୍ମି ଦେଶାଇ ଇଗ୍ନୋର କରୁଥିବା ଦେଖିବାକୁ ମିଳିଛି । ରଶ୍ମି ଏପରି କାହିଁକି କଲେ ତାକୁ ନେଇ ଚର୍ଚ୍ଚା ଜୋର ଧରିଛି ।
ଭିଡ଼ିଓରେ ଦେଖିବାକୁ ମିଳିଛି ଯେ, ବାବା ସିଦ୍ଦିକଙ୍କ ଇଫତାର ପାର୍ଟିରେ ପ୍ରଥମେ ରଶ୍ମି ପହଞ୍ôଚଥିଲେ । ଏହି ସମୟରେ ସେ ଜଣକ ସହ କଥା ହେଉଥିବା ବେଳେ ଶାହନାଜ ଭିତରକୁ ପ୍ରବେଶ କରିଥିଲେ । ରଶ୍ମି ହଠାତ୍ ଶାହନାଜଙ୍କୁ ଦେଖି ସେ ସ୍ଥାନ ଛାଡ଼ି ଦୂରକୁ ଚାଲିଯାଇ ଫୋନରେ କାହା ସହ କଥା ହୋଇଥିଲେ । ହେଲେ ଏଥିରେ ଶାହନାଜଙ୍କୁ କିଛି ବି ଫରକ ପଡ଼ିଲାନାହିଁ । ସେ ଖୁସିରେ ସମସ୍ତଙ୍କୁ ନମସ୍କାର କରି କଥା ହୋଇଥିଲେ । ରଶ୍ମିଙ୍କ ଏପରି ଆଚରଣ ଦେଖି ଶାହନାଜ ମଧ୍ୟ ତାଙ୍କୁ ଭେଟି ନ ଥିବା ଭିଡ଼ିଓରେ ଦେଖିବାକୁ ମିଳିଛି । ଏହି ଭିଡ଼ିଓ ଦେଖିବା ପରେ ପ୍ରଶଂକଙ୍କ ମନରେ ଗୋଟିଏ ପ୍ରଶ୍ନ ରଶ୍ମି ଏପରି କାହିଁକି କଲେ । କାରଣ ଥିଲା ରଶ୍ମୀ ଦେଶାଇ ଏବଂ ଶାହନାଜ ଗିଲ ଏକାଠି ‘ବିଗ୍ ବସ୍ ସିଜିନ୍୧୩’ରେ ପ୍ରତିଯୋଗୀ ସାଜିଥିଲେ । ସେହି ସମୟରେ ବିଗ୍ବସ ଘରେ ଦୁହିଁଙ୍କ ମଧ୍ୟରେ ବହୁତ ଝଗଡା ହୋଇଥିଲା । ଏହି ଶତ୍ରୁତା ଏବେ ବି ରହିଛି । ଏହି ଭିଡିଓ ଦେଖିବା ପରେ ପ୍ରଶଂସକମାନେ ବିଭିନ୍ନ ନକରାତ୍ମକ ମନ୍ତବ୍ୟ ଦେଇଛନ୍ତି ।
ଶାହନାଜ ଗିଲ ବଲିଉଡର ଜଣେ ଜଣାଶୁଣା ଅଭିନେତ୍ରୀ । ଶାହନାଜ ଖୁବ୍ ଶୀଘ୍ର ‘କିସି କା ଭାଇ କିସି କି ଜାନ’ରେ ନଜର ଆସିବେ । ସେହିପରି ଟିଭି ଦୁନିଆର ଜଣାଶୁଣା ଅଭିନେତ୍ରୀ ହେଉଛନ୍ତି ରଶ୍ମୀ ଦେଶାଇ ।
Comments are closed.