ମୁମ୍ବାଇ: ‘ରାମାୟଣ’ କାହାଣୀ ଆଧାରିତ ତଥା ସାଉଥ୍ ସୁପରଷ୍ଟାର ପ୍ରଭାସ ଓ ବଲିଉଡ୍ ନାୟିକା କ୍ରିତି ସାନନଙ୍କ ଅଭିନୀତ ଫିଲ୍ମ ‘ଆଦିପୁରୁଷ’ର ଟ୍ରେଲର ରିଲିଜ୍ ହୋଇଯାଇଛି । ରାମାୟଣର କାହାଣୀକୁ ବଡ଼ ପରଦାରେ ଦେଖିବାକୁ ଦର୍ଶକ ଅପେକ୍ଷା କରି ରହିଛନ୍ତି । ନିର୍ଦ୍ଦେଶକ ଓମ୍ ରାଉତ୍ଙ୍କ ଏହି ଫିଲ୍ମଟି ଆସନ୍ତା ଜୁନ୍ ୧୬ ତାରିଖରେ ରିଲିଜ୍ ହେବ ।
ଫିଲ୍ମଟିରେ ପ୍ରଭାସ ଭଗବାନ ରାମଙ୍କ ଭୂମିକାରେ ନଜର ଆସିଥିବା ବେଳେ ସୀତା ମାଆଙ୍କ ରୂପରେ ଅଭିନେତ୍ରୀ କ୍ରିତି ସାନନ୍ଙ୍କୁ ଦେଖିବାକୁ ମିଳିଛିି । ପ୍ରଥମ ଥର ପାଇଁ ଏହି ଯୋଡ଼ିଙ୍କୁ ଏକତ୍ର ପରଦାରେ ଦେଖିବାକୁ ମିଳିବେ । ଫିଲ୍ମଟି ହିନ୍ଦୀ ବ୍ୟତୀତ ଆହୁରି ଅନେକ ଭାଷାରେ ମଧ୍ୟ ରିଲିଜ୍ ହେବ । ଏହି ରାମ ନବମୀରେ ଏହି ଫିଲ୍ମର ପ୍ରଥମ ପୋଷ୍ଟ୍ର ରିଲିଜ୍ ହୋଇଥିବା ବେଳେ ହନୁମାନ ଜୟନ୍ତୀରେ ଦ୍ୱିତୀୟ ପୋଷ୍ଟର ରିଲିଜ୍ ହୋଇଥିଲା । ଭଗବାନ ଶ୍ରୀରାମଙ୍କ ଭକ୍ତ ହନୁମାନଙ୍କୁ ରଖି ପୋଷ୍ଟ୍ର ରିଲିଜ୍ କରିଥିଲେ ନିର୍ମାତା । ପୋଷ୍ଟରରେ ଦେବଦତ୍ତ ନାଗେଙ୍କୁ ହନୁମାନ ଭୂମିକାରେ ଦେଖିବାକୁ ମିଳିଛି । ଫିଲ୍ମ ‘ଆଦିପୁରୁଷ’ର ଟ୍ରେଲର ରିଲିଜ୍ ହେବା ପରେ ପ୍ରଶଂସକମାନ ଉତ୍ସାହର ସହିତ ଫିଲ୍ମଟିକୁ ଅପେକ୍ଷା କରିଛନ୍ତି ।
Comments are closed.