ନୂଆପଡ଼ା : ସିବିଏସଇ ପରୀକ୍ଷା ଫଳକୁ ନେଇ ଖଡ଼ିଆଳରେ ଖୁସିର ମାହୋଲ । ଗତ ଦୁଇଦିନ ତଳେ ସିବିଏସଇ ଯୁକ୍ତ ଦୁଇ ଓ ମାଟ୍ରିକ ଫଳାଫଳ ପ୍ରକାଶିତ ହୋଇଥିବା ବେଳେ ନୂଆପଡା ଜିଲ୍ଲା ଖଡ଼ିଆଳର ଛାତ୍ରଛାତ୍ରୀଙ୍କ କୃତିତ୍ବକୁ ନେଇ ଅଞ୍ଚଳରେ ଖୁସିର ଲହରୀ ଖେଳିଯାଇଛି ।
ଯୁକ୍ତ ଦୁଇରେ ଅକ୍ଷରା ଶୁକ୍ଳା ନାମକ ଛାତ୍ରୀ ବରଗଡ଼ ବିକାଶ କଲେଜର ଟପର ଭାବରେ ୯୭ ଶତକଡା ମାର୍କ ରଖି ଉତ୍ତୀର୍ଣ୍ଣ ହୋଇଥିବା ବେଳେ । ଦଶମରେ ଶ୍ରେୟାନ୍ସ କେଶରୀ ପଟ୍ଟନାୟକ ନୂଆପଡା ଆଦର୍ଶ ବିଦ୍ୟାଳୟ ଟପର ଭାବରେ ୯୪ ଶତକଡା ମାର୍କ ରଖି କୃତିତ୍ବ ଅର୍ଜନ କରିଛନ୍ତି । ଅକ୍ଷରା ଜଣେ ମେଧାବୀ ଛାତ୍ରୀ ହୋଇଥିବା ବେଳେ ଏହା ପୂର୍ବରୁ ମାଟ୍ରିକରେ ମଧ୍ୟ ସେ ନୂଆପଡାର ଟପର ରହିଥିଲେ । ଉଭୟେ ଛାତ୍ରଛାତ୍ରୀ ଖଡ଼ିଆଳ ପଟ୍ଟନାୟକ ପଡାର ବାସିନ୍ଦା। ଅକ୍ଷରାଙ୍କ ବାପା ବିକାଶ ଶୁକ୍ଳା ଓ ଶ୍ରେୟାନ୍ସଙ୍କ ବାପା ବିକ୍ରମକେଶରୀ ପଟ୍ଟନାୟକ ନିଜ ନିଜ ପୁଅ ଝିଅର ସଫଳତାକୁ ନେଇ ବହୁତ ଖୁସି ଅଛନ୍ତି । ଉଭୟଙ୍କ ଏହି କୃତିତ୍ବ ପାଇଁ ପରିବାର ସହ ଅଞ୍ଚଳବାସୀ ଗର୍ବିତ ଅନୁଭବ କରିଛନ୍ତି । ଅକ୍ଷରା ଓ ଶ୍ରେୟାନ୍ସ ନିଜ ସଫଳତା ପାଇଁ ଗୁରୁଜନ ଓ ପରିବାରର ସହଯୋଗକୁ ଶ୍ରେୟ ଦେବା ସହ ଭବିଷ୍ୟତରେ ଡାକ୍ତର ହୋଇ ଲୋକଙ୍କ ସେବା କରିବା ପାଇଁ ଆଶା ବାନ୍ଧିଛନ୍ତି ।
Comments are closed.