ମୁମ୍ବାଇ: ବଲିଉଡ୍ ଅଭିନେତ୍ରୀ ସାରା ଅଲ୍ଲି ଖାନ୍ ଏବେ ତାଙ୍କ ଆଗାମୀ ଫିଲ୍ମ ‘ଜରା ହଟ୍କେ ଜରା ବଚକେ’କୁ ନେଇ ଖୁବ୍ ଚର୍ଚ୍ଚାରେ ଅଛନ୍ତି । ନିକଟରେ ମୁମ୍ବାଇରେ ଏକ କାର୍ଯ୍ୟକ୍ରମରେ ଯୋଗ ଦେଇ ସାରା ବିଳାସପୂର୍ଣ୍ଣ କାର ଛାଡ଼ି ଏକ ଅଟୋରେ ଘରକୁ ଫେରିଛନ୍ତି । ଏହାର ଭିଡ଼ିଓ ଓ ଫଟୋ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି ।
ସାରାଙ୍କ ଅଭିନିତ ଫିଲ୍ମ ‘ଜରା ହଟ୍କେ ଜରା ବଚକେ’ ଜୁନ ୨ରେ ରିଲିଜ୍ ହେବାକୁ ଯାଉଛି । ତାଙ୍କ ସହିତ ଏହି ଫିଲ୍ମରେ ଅଛନ୍ତି ଅଭିନେତା ଭିକି କୌଶଲ । ଉଭୟ ସେମାନଙ୍କ ଏହି ଫିଲ୍ମ ପ୍ରମୋସନକୁ ନେଇ ଖୁବ୍ ବ୍ୟସ୍ତ ଅଛନ୍ତି । ମୁମ୍ବାଇରେ ଆୟୋଜିତ ଏକ କାର୍ଯ୍ୟକ୍ରମରେ ସାରା ଯୋଗ ଦେଇଥିଲେ । ଏହି ସମୟରେ ସେ ଗୋଲାପି ରଙ୍ଗର ଏକ ଡ୍ରେସ୍ ପିନ୍ଧିଥିଲେ, ଯେଉଁଥିରେ ସେ ଖୁବ୍ ସୁନ୍ଦର ଦେଖାଯାଉଛନ୍ତି । ହେଲେ ଏହି କାର୍ଯ୍ୟକ୍ରମ ସରିବା ପରେ ସାରା ବିଳାସପୂର୍ଣ୍ଣ କାରରେ ନ ଯାଇ ଏକ ଅଟୋରେ ବସି ସିଧା ଘରକୁ ଫେରିଥିଲେ । ସାରାଙ୍କୁ ଅଟୋରେ ଦେଖି ସେଠାରେ ଉପସ୍ଥିତ ଅନ୍ୟ ଅତିଥିମାନେ ଆଶ୍ଚର୍ଯ୍ୟ ହୋଇଯାଇଥିଲେ ।
ଏନେଇ ସାରା କହିଛନ୍ତି, କାର୍ଯ୍ୟକ୍ରମ ସରିବା ପରେ ମଧ୍ୟ କାର ଠିକ୍ ସମୟରେ ଆସି ନ ଥିଲା । ତେଣୁ ମୁଁ ଅପେକ୍ଷା ନ କରି ଅଟୋରେ ଘରକୁ ଫେରିଥିଲି । ଏଥିରେ ଆଶ୍ଚର୍ଯ୍ୟ ହେବା କିଛି ନାହିଁ । କାରଣ ମୁଁ ଆଗରୁ ଅଟୋରେ ବସି ଯାଇଥିବା କହିଥିଲେ । ନିକଟରେ ସେ ମେଟ୍ରୋ ଟ୍ରେନ୍ରେ ଯାଉଥିବା ମଧ୍ୟ ନଜର ଆସିଥିଲେ ।
Comments are closed.