ତୃତୀୟ ବିବାହ କରିବେ ଅମୀର ଖାନ !

ମୁମ୍ବାଇ: ଆଜିକାଲି ଖୁବ ଚର୍ଚ୍ଚାରେ ମିଷ୍ଟର ପରଫେକ୍ସନିଷ୍ଟ । ତେବେ ତାଙ୍କର କୌଣସି ଅପକମିଙ୍ଗ ଫିଲ୍ମକୁ ନେଇ ସେ ଚର୍ଚ୍ଚାରେ ନାହାନ୍ତି । ବରଂବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ । ହଁ, ବାହା ହେବେ ବଲିଉଡ ଅଭିନେତା ଅମୀର ଖାଁ  । ଅମୀର ତୃତୀୟ ଥର ପାଇଁ ବିବାହ କରିବାକୁ ଯାଉଛନ୍ତି । କାହାକୁ ବାହା ହେଉଛନ୍ତି ଜାଣନ୍ତି ?   ଫିଲ୍ମ ଦଙ୍ଗଲରେ ଝିଅ ଭୂମିକାରେ ଅଭିନୟ କରୁଥିବା ଅଭିନେତ୍ରୀ ଫାତିମା ସନା ଶେଖଙ୍କୁ ବିବାହ କରିବେ ଅମୀର ଖାଁ ।

କିଛି ଦିନ ଧରି ଉଭୟଙ୍କୁ ଏକାଠି ଦେଖିବାକୁ ମିଳୁଥିଲା  । ଏହାକୁ ନେଇ ସୋସିଆଲ ମିଡିଆରେ ପରସ୍ପରଙ୍କୁ ଡେଟିଂ କରୁଥିବା ନେଇ ଜୋରଦାର ଗସିପ ଚାଲିଥିଲା । ଫ୍ୟାନ୍ସ ବି ଏ ନେଇ ବେଶ ପ୍ରତିକ୍ରିୟା ରଖୁଥିଲେ । ଏବେ ଏହି ଘଟଣାକୁ ନେଇ ମୁହଁ ଖୋଲିଛନ୍ତି ବଲିଉଡ ଆକ୍ଟର କେଆରକେ । ସେ କହିଛନ୍ତି, ଅମୀର ଖାନ ଫତିମା ସନାଙ୍କୁ ବିବାହ କରିବେ । ଯଦି ଏହା ସତ ହୁଏ ତେବେ ଏହା ହେବ ଅମୀରଙ୍କ ତୃତୀୟ ବିବାହ ।

ନିକଟରେ ଅମୀର ଏବଂ ଫାତିମାଙ୍କର ଏକ ଭିଡିଓ ସାମ୍ନାକୁ ଆସିଥିଲା । ଏଥିରେ ଉଭୟରେ ପିକଲବଲ ଗେମ ଖେଳୁଥିବା ନଜର ଆସିଥିଲା । ଏହି ଭିଡିଓକୁ ଦେଖି ଫ୍ୟାନ୍ସମାନେ ପ୍ରତିକ୍ରିୟା ରଖିଥିଲେ । ହେଲେ ଏବେ କେଆାରକେ ଟୁଇଟ କରି ସେମାନଙ୍କ ବିବାହ ପ୍ରସଙ୍ଗ ଉଠାଇଛନ୍ତି । ସେ ଟୁଇଟରେ ଲେଖିଛନ୍ତି,  ବ୍ରେକିଂ ନିଉଜ: ଅମୀର ଖାନ ଖୁବ ଶୀଘ୍ର ତାଙ୍କ ଝିଅ ବୟସର ଫାତିମା ସନାଙ୍କୁ ବିବାହ କରିବାକୁ ଯାଉଛନ୍ତି । ଅମୀର ଦଙ୍ଗଲ ଫିଲ୍ମରେ ଉଭୟେ ଏକାଠି କାମ କରିବା ସମୟରୁ ଡେଟ କରୁଥିଲେ । ଏମିତି ଟୁଇଟକୁ ଦେଖି  ପରେ ଫ୍ୟାନ୍ସ କମେଣ୍ଟ ଦେବା ସହ କେଆରକେଙ୍କୁ ଖୁବ ଟ୍ରୋଲ କରିବା ଆରମ୍ଭ କରି ଦେଇଛନ୍ତି ।

ସୂଚନାଥାଉ କି, ଫାତିମା ସନା ଏବଂ ଅମୀର ଫିଲ୍ମ ଦଙ୍ଗଲରେ ଏକାଠି କାମ କରିଥିଲେ ଏବଂ ଏଥିରେ ଫାତିମା ତାଙ୍କର ଝିଅ ଭୂମିକାରେ ଅଭିନୟ କରିଥିଲେ । ଏହାପରେ ଉଭୟେ ଠଗ୍ସ ଅଫ ହିନ୍ଦୁସ୍ଥାନରେ ଏକାଠି କାମ କରିଥିଲେ । ଅମୀରଙ୍କ ବ୍ୟକ୍ତିଗତ ଜୀବନ ଦେଖିଲେ, ଏହି ଅଭିନେତା ପ୍ରଥମେ ରୀନା ଦତ୍ତାଙ୍କୁ ବିବାହ କରିଥିଲେ । ସେମାନଙ୍କର ଝିଅ ଇରା ଏବଂ ପୁଅ ଜୁନୈଦ ଅଛନ୍ତି । ଏହା ପରେ ସେ କିରଣ ରାଓଙ୍କୁ ଦ୍ୱିତୀୟ ବିବାହ କରିଥିଲେ । ସେମାନେ ସରୋଗେସି ସହାୟତାରେ ଏକ ପୁଅ ଆଜାଦ ରାଓ ଖାନ ଅଛନ୍ତି । ୨୦୨୧ରେ ଉଭୟଙ୍କ ମଧ୍ୟରେ ବିବାହ ବିଚ୍ଛେଦ ଘଟିଥିଲା ।

Breaking News:- Aamir Khan is going to get married with his daughter’s age Fatima Sana Shaikh soon. Aamir Khan is dating Sana from the time of their film #Dangal.

— KRK (@kamaalrkhan) May 25, 2023