ମସ୍କୋ: ଋଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ହେବାର ପ୍ରାୟ ଦେଢ ବର୍ଷ ବିତିଗଲାଣି। କେହି ପରାଜୟ ଗ୍ରହଣ କରିବାକୁ ପ୍ରସ୍ତୁତ ନୁହଁନ୍ତି। ଗୋଟିଏ ପଟେ ଯେଉଁଠାରେ ୟୁକ୍ରେନ ଆମେରିକା ଏବଂ ଅନେକ ୟୁରୋପୀୟ ଦେଶ ସହାୟତାରେ ଋଷ ସହିତ ଲଢୁଛି, ଅନ୍ୟପଟେ ଋଷ ଏହାର ସେନା ତଥା ବେସରକାରୀ ସେନା ଗୋଷ୍ଠୀ ୱାଗନରର ବିଦ୍ରୋହ ସାମ୍ନା କରୁଛି। କିନ୍ତୁ ବର୍ତ୍ତମାନ ଏହି ପ୍ରସଙ୍ଗରେ ମୋଡ଼ ଆସିଛି।
ଋଷର ରାଷ୍ଟ୍ରପତିଙ୍କ ବ୍ୟକ୍ତିଗତ ସେନା ଭାବରେ ଜଣାଶୁଣା ୱାଗନର୍ ଆର୍ମି ଏବେ ଏକ ଆକ୍ରମଣ ପାଇଁ ଧମକ ଦେଇଛି ଏବଂ ଏଥିପାଇଁ ୱାଗନର୍ ଆର୍ମି ଯୋଦ୍ଧାମାନେ ମସ୍କୋ ଅଭିମୁଖେ ଯାତ୍ରା କରିଛନ୍ତି। ଏହି ବେସରକାରୀ ସେନାର ମୁଖ୍ୟ ହେଉଛନ୍ତି ୟେଭଗେନି ପ୍ରିଗୋଜହିନ୍ (Yevgeny Prigozhin), ଯିଏକି ଭ୍ଲାଦିମିର ପୁଟିନଙ୍କ ନିକଟତର ବିବେଚିତ ହୋଇଥିଲେ କିନ୍ତୁ ବର୍ତ୍ତମାନ ଏକ ଆକ୍ରମଣ ପାଇଁ ଧମକ ଦେଇଛନ୍ତି।
ୟେଭଗେନି ପ୍ରିଗୋଜହିନ୍ କିଏ?
ୟେଭଗେନି ପ୍ରିଗୋଜହିନ୍ ପୁଟିନଙ୍କ ଜନ୍ମର ୯ ବର୍ଷ ପରେ ୧୯୬୧ ମସିହାରେ ସେଣ୍ଟ ପିଟର୍ସବର୍ଗରେ ଜନ୍ମଗ୍ରହଣ କରିଥିଲେ। ଛୋଟ ବେଳୁ ତାଙ୍କ ପିତାଙ୍କର ମୃତ୍ୟୁ ହୋଇଥିଲା ଏବଂ ତାଙ୍କ ମା ଏକ ଡାକ୍ତରଖାନାରେ କାମ କରୁଥିଲେ। ତାଙ୍କର ପ୍ରାଥମିକ ପାଠପଢା ଶେଷ କରିବା ପରେ, ସେ ଏକ କ୍ରୀଡା ଏକାଡେମୀରେ ଯୋଗ ଦେଇଥିଲେ। ପ୍ରାରମ୍ଭରେ ସେ ଜଣେ ଆଥଲେଟ୍ ବା ଖେଳାଳି ହେବାକୁ ଚାହୁଁଥିଲେ କିନ୍ତୁ ତାଙ୍କର ସ୍ୱପ୍ନ ପୂରଣ ହୋଇପାରିଲା ନାହିଁ, ଏହା ପରେ ସେ ଅପରାଧୀଙ୍କ ଏକ ଗୋଷ୍ଠୀରେ ଯୋଗ ଦେଇଥିଲେ।
ସେ ୧୮ ବର୍ଷ ବୟସରେ ତାଙ୍କର ପ୍ରଥମ ଅପରାଧ କରିଥିବା ଜଣାପଡିଛି। ୧୯୮୦ ମସିହାରେ ସେ ଜଣେ ମହିଳାଙ୍କ ସହ ଡକାୟତି କରିଥିଲେ। ୧୯୮୧ ମସିହାରେ, ଋଷର ଏକ କୋର୍ଟ ତାଙ୍କୁ ୧୩ ବର୍ଷ କାରାଦଣ୍ଡରେ ଦଣ୍ଡିତ କରିଥିଲା। ତେବେ ୧୯୯୦ ରେ ସୋଭିଏତ୍ ୟୁନିଅନ୍ ବିଲୋପ ହେବା ପରେ ତାଙ୍କୁ ମୁକ୍ତ କରାଯାଇ ସେଣ୍ଟ ପିଟର୍ସବର୍ଗକୁ ପ୍ରତ୍ୟାବର୍ତ୍ତନ କରାଯାଇଥିଲା। ଏଠାରେ ସେ କୁକୁର ମାଂସ ବିକ୍ରି କରୁଥିଲେ ଏବଂ ଏଥିରୁ ସେ ମାସକୁ ହଜାରେ ଟଙ୍କା ପର୍ଯ୍ୟନ୍ତ ରୋଜଗାର କରିବା ଆରମ୍ଭ କରିଥିଲେ।
ଏହା ପରେ ୟେଭଗେନି ପ୍ରିଗୋଜହିନ୍ ଏକ ଦୋକାନରେ ପୁଞ୍ଜି ଲଗାଇଥିଲେ ଏବଂ ୧୯୯୫ ରେ ସେ ଏକ ରେଷ୍ଟୁରାଣ୍ଟ ଖୋଲିଥିଲେ। ରେଷ୍ଟୁରାଣ୍ଟକୁ ଆଗକୁ ବଢିବାକୁ କର୍ମଚାରୀ ନିଯୁକ୍ତ କରିଥିଲେ। ସହରର ବଡ଼ ବଡ଼ିଆ ତାଙ୍କ ରେଷ୍ଟୁରାଣ୍ଟକୁ ଆସିବା ଆରମ୍ଭ କରିଥିଲେ। ଯେଉଁଠିକୁ ଦିନେ ସେଣ୍ଟ ପିଟର୍ସବର୍ଗର ତତ୍କାଳୀନ ଡେପୁଟି ମେୟର ଭ୍ଲାଦିମିର ପୁଟିନ ମଧ୍ୟ ଆସିଥିଲେ। ଏହିଠାରେ ୟେଭଗେନି ପ୍ରିଗୋଜହିନ୍ ଏବଂ ପୁଟିନଙ୍କ ବନ୍ଧୁତା ଆରମ୍ଭ ହୋଇଥିଲା। ଏବେ କିନ୍ତୁ ଏକଗା ପୁଟିନଙ୍କ ଭଲ ବନ୍ଧୁ ଥିବା ୟେଭଗେନି ପ୍ରିଗୋଜହିନ୍ ତାଙ୍କ ପାଇଁ ସବୁଠାରୁ ବଡ ବିପଦ ଭାବରେ ଉଭା ହୋଇଛନ୍ତି।
ଋଷର କ୍ଷମତା ପୁଟିନଙ୍କ ହାତରେ ପରେ ଆସିଥିଲା। ସେଣ୍ଟ ପିଟର୍ସବର୍ଗରେ ପୁଟିନ ତାଙ୍କ ବିଦେଶୀ ଅତିଥିମାନଙ୍କୁ ପ୍ରାୟତଃ ଭେଟୁଥିଲେ। ଆଉ ଏହି ଭେଟଘାଟ ପ୍ରାୟତଃ ୟେଭଗେନି ପ୍ରିଗୋଜହିନଙ୍କ ହୋଟେଲରେ ହେଉଥିଲା। ଯାହା ପୁଟିନ ଏବଂ ପ୍ରିଗୋଜହିନଙ୍କ ମଧ୍ୟରେ ବନ୍ଧୁତାକୁ ଆହୁରି ଗଭୀର କରିଥିଲା। ଏହି ବନ୍ଧୁତ୍ୱର ପରିଣାମ ସ୍ୱରୂପ ପୁଟିନ ସରକାରୀ କାର୍ଯ୍ୟକ୍ରମ ପାଇଁ ପ୍ରିଗୋଜହିନଙ୍କ ସହ ଚୁକ୍ତି କରିଥିଲେ। ଏହା ପରେ, ୨୦୧୨ ରେ, ମସ୍କୋର ବିଦ୍ୟାଳୟଗୁଡ଼ିକୁ ଖାଦ୍ୟ ଯୋଗାଇବା ପାଇଁ ଏହା ୧୦.୫ ବିଲିୟନ ରୁବଲ୍ ମୂଲ୍ୟର ଏକ ଚୁକ୍ତି ମଧ୍ୟ ହୋଇଥିଲା।
Comments are closed.