ଭୁବନେଶ୍ୱର: ଆଗାମୀ ଦୁଲୀପ ଟ୍ରଫି ପାଇଁ ନିକଟରେ ପୂର୍ବାଚଳ ଦଳ ଘୋଷଣା କରାଯାଇଥିଲା । ଏଥିରେ ଓଡିଶାର ଉଦୀୟମାନ ପେସ ବୋଲର ସୂର୍ଯ୍ୟକାନ୍ତ ପ୍ରଧାନଙ୍କୁ ମୂଖ୍ୟ ଦଳରେ ସାମିଲ କରା ନ ଯାଇ ଷ୍ଟାଣ୍ଡବାଇରେ ରଖା ଯାଇଥିଲା । ତେବେ ରବିବାର ଓସିଏରୁ ମିଳିଥିବା ଖବର ଅନୁସାରେ ସୂର୍ଯ୍ୟକାନ୍ତଙ୍କୂ ଚୂଡାନ୍ତ ଦଳରେ ସାମିଲ କରାଯାଇଛି । ବେଙ୍ଗଲର ପେସ ବୋଲର ମୁକେଶ କୁମାରଙ୍କ ସ୍ଥାନରେ ସୂର୍ଯ୍ୟକୁମାରଙ୍କୁ ଏହି ସୁଯୋଗ ମିଳିଛି । ମୁକେଶ ୱେଷ୍ଟଇଣ୍ଡିଜ ବିପକ୍ଷ ସିରିଜ ପାଇଁ ଭାରତୀୟ ଦଳରେ ସ୍ଥାନ ପାଇଛନ୍ତି ।
ଶାନ୍ତନୁ ମିଶ୍ରଙ୍କ ପରେ ଦ୍ୱିତୀୟ ଖେଳାଳି ଭାବେ ସୂର୍ଯ୍ୟକାନ୍ତ ପୂର୍ବାଂଚଳ ଦଳରେ ସ୍ଥାନ ପାଇଛନ୍ତି । ଅଲୁରରେ କେନ୍ଦ୍ରାଂଚଳ ବିପକ୍ଷରେ ପୂର୍ବାଂଚଳ ତାର ଅଭିଯାନ ଆରମ୍ଭ କରିବ । ଏହି ୫ ଦିିନିକିଆ ମ୍ୟାଚ ଜୁନ ୨୮ରୁ ଆରମ୍ଭ ହେବ । ଚୂଡାନ୍ତ ଦଳରେ ସାମିଲ ହୋଇଥିବାରୁ ସୂର୍ଯ୍ୟକାନ୍ତ ମନୋବଳ ଉଚ୍ଚରେ ରହିଛି ।
Comments are closed.