ମୁମ୍ବାଇ: ଛୋଟ ପରଦାର ଅଭିନେତ୍ରୀ ଉର୍ଫି ଜାଭେଦଙ୍କ ସହ କାମ କରିବେ ନାହିଁ ବୋଲି ରୋକ୍ଠୋକ୍ ମନା କରିଦେଇଛନ୍ତିି ଅଭିନେତା ଅଭିଷେକ ମାଲହାନ । ଏହା ଶୁଣିବା ପରେ ଉର୍ଫି ଅସନ୍ତୋଷ ପ୍ରକାଶ କରିବା ସହ ଏନେଇ ସୋସିଆଲ ମିଡ଼ିଆରେ ସେୟାର କରିଛନ୍ତି ।
ଅଭିନେତା ଅଭିଷେକ ମାଲହାନ୍ ଏବେ ‘ବିଗ୍ ବସ୍ ଓଟିଟି ୨’ ରେ ସାମିଲ ହୋଇଛନ୍ତି । ପୂର୍ବରୁ ‘ବିଗ୍ ବସ୍ ଓଟିଟି\’ ପ୍ରତିଯୋଗୀ ସାଜିଥିବା ଉର୍ଫି ଜାଭେଦ୍ ଅଭିଷେକଙ୍କ ଉପରେ ଅସନ୍ତୋଷ ପ୍ରକାଶ କରିଛନ୍ତି । ଆଉ ତାଙ୍କର ଏପରି ମନ୍ତବ୍ୟକୁ ଖୋଲାଖୋଲି ଭାବେ ନିନ୍ଦା କରିଛନ୍ତି । ଉର୍ଫି କହିଛନ୍ତି ଯେ, କୌଣସି ମ୍ୟୁଜିକ୍ ଭିଡିଓରେ ଉର୍ଫି ଏବଂ ଉର୍ବଶୀ ରାଉତେଲାଙ୍କ ସହ କାମ କରିବେ ନାହିଁ ବୋଲି ଅଭିଷେକ କହିଛନ୍ତିି । ପ୍ରକୃତରେ ସେ କିଏ ମୁଁ ଭଲ ଭାବେ ଜାଣେ ନାହିଁ । ବିଗ୍ ବସ୍ ଓଟିଟି ପରେ ତାଙ୍କ ବିଷୟରେ ଜାଣିବାକୁ ପାଇଥିଲି । ସେ କାହିଁକି ଏପରି କହୁଛନ୍ତି ମୁଁ ଜାଣେ ନାହିଁ ।
ନିଜର ପୋଷାକ ପରିଧାନକୁ ନେଇ ଅନେକ ସମୟରେ ଚର୍ଚ୍ଚାରେ ରହିଥାନ୍ତି ଅଭିନେତ୍ରୀ ଉର୍ଫି ଜାଭେଦ । ସେ ସୋସିଆଲ ମିଡ଼ିଆରେ ଖୁବ୍ ସକ୍ରୀୟ । ସେ ସବୁବେଳେ ନିଜର ନୂଆ ନୂଆ ଲୁକ୍ର ଫଟୋ ସେୟାର କରିଥାନ୍ତି ।
Comments are closed.